ବର୍ଷା ଧୋଇନେଲା ମହିଳା ଭାରତ-ଅଷ୍ଟ୍ରେଲିଆ ପ୍ରଥମ ଟି-୨୦

ଅଷ୍ଟ୍ରେଲିଆ ଓ ଭାରତୀୟ ମହିଳା ଟିମ ମଧ୍ୟରେ ଖେଳାଯାଉଥିବା ପ୍ରଥମ ଟି-୨୦ ମ୍ୟାଚ୍‌ ବର୍ଷା ଯୋଗୁଁ ବାତିଲ । ଅଧିକ ପଢନ୍ତୁ...

କୁଇନ୍ସଲ୍ୟାଣ୍ଡ(ଅଷ୍ଟ୍ରେଲିଆ):ଦିନିକିଆ ସିରିଜ ଓ ଟେଷ୍ଟ ମ୍ୟାଚ୍‌ ପରେ ଅଷ୍ଟ୍ରେଲିଆ ଓ ଭାରତୀୟ ମହିଳା ଟିମ ମଧ୍ୟରେ ଆରମ୍ଭ ହୋଇ ୩ ମ୍ୟାଚ୍‌ ବିଶିଷ୍ଟ ଟି-୨୦ ସିରିଜ । ତେବେ କୁଇନ୍ସଲ୍ୟାଣ୍ଡର କାରାରା ଓଭାଲ ଗ୍ରାଉଣ୍ଡରେ ଗୁରୁବାର ଖେଳାଯାଉଥିବା ସିରିଜର ପ୍ରଥମ ମ୍ୟାଚ୍‌ ବର୍ଷା ଯୋଗୁଁ ବାତିଲ ଘୋଷଣା ହୋଇଛି ।

ଟସ୍‌ ଜିତି ଘରୋଇ ଟିମର କ୍ୟାପେଟନ୍‌ ମେଗ ଲାନିଙ୍ଗ୍‌ ପ୍ରଥମେ ବୋଲିଂ ନିଷ୍ପତ୍ତି ନେଇଥିଲେ ଓ ଭ୍ରମଣକାରୀ ଭାରତକୁ ବ୍ୟାଟିଂ ଆମନ୍ତ୍ରଣ କରିଥିଲେ । ଭାରତୀୟ ଇଂନିସର ୧୫.୨ ଓଭର ଖେଳାଯାଇଥିଲା । ମାତ୍ର ବର୍ଷା ଯୋଗୁଁ ଖେଳକୁ ପ୍ରଥମେ କିଛି ସମୟ ପାଇଁ ବନ୍ଦ ରଖାଯାଇଥିଲା ।

ମହିଳା ଭାରତ-ଅଷ୍ଟ୍ରେଲିଆ ପ୍ରଥମ ଟି-୨୦

ମ୍ୟାଚ୍‌ର ଫଳାଫଳ ନିର୍ଣ୍ଣୟ ପାଇଁ ଅଷ୍ଟ୍ରେଲିଆକୁ ଅତିକମରେ ୫ ଓଭର ବ୍ୟାଟିଂ କରିବାର ଆବଶ୍ୟକ ଥିଲା । ମାତ୍ର ଏହା ସମ୍ଭବ ନୁହେଁ ସ୍ପଷ୍ଟ ହେବାପରେ ମ୍ୟାଚ୍‌କୁ ବିନା ଫଳାଫଳରେ ବାତିଲ ଘୋଷଣା କରାଯାଇଥିଲା । ଫଳରେ ଉଭୟ ଟିମକୁ ୧ ପଏଣ୍ଟ ଲେଖାଏଁ ମିଳିଛି ।

ବର୍ତ୍ତମାନ ସୁଦ୍ଧା ଅଷ୍ଟ୍ରେଲିଆ ମଲ୍ଟି-ଫର୍ମାଟ ସିରିଜରେ ୭-୫ରେ ଆଗୁଆ ରହିଛି । ଟି-୨୦ ସିରିଜର ଅବଶିଷ୍ଟ ୨ଟି ମ୍ୟାଚ୍‌ରେ ବିଜୟୀ ହେବାକୁ ଭାରତ ଲକ୍ଷ୍ୟ ରଖିଛି ।

ବ୍ୟୁରୋ ରିପୋର୍ଟ, ଇଟିଭି ଭାରତ