ମୁମ୍ବାଇ:ଜୀବନରେ ନୂଆ ଇଂନିସ ଆରମ୍ଭ କଲେ ୱିକେଟ କିପର ବ୍ୟାଟର ଲୋକେଶ ରାହୁଲ । ଦୀର୍ଘ ଦିନର ବାନ୍ଧବୀ ଆଥିଆ ସେଟ୍ଟୀଙ୍କ ସହିତ ଆଜି (ସୋମବାର) ସାତ ଫେରା ନେଇଛନ୍ତି ରାହୁଲ । ଭାରତୀୟ କ୍ରିକେଟର ରାହୁଲ ଏବଂ ଅଭିନେତ୍ରୀ ଆଥିଆ ସେଟ୍ଟୀ ହାତକୁ ଦି ହାତ ହୋଇଛି । ମୁମ୍ବାଇସ୍ଥିତ ସୁନୀଲ ସେଟ୍ଟୀଙ୍କ ଖଣ୍ଡାଲା ଫାର୍ମ ହାଉସରେ ଉଭୟଙ୍କ ବିବାହ ଆଜି ସମ୍ପନ୍ନ ହୋଇଛି । ଏନେଇ ଆଥିଆ ସେଟ୍ଟୀଙ୍କ ପିତା ତଥା ବରିଷ୍ଠ ଅଭିନେତା ସୁନୀଲ ସେଟ୍ଟୀ ଗଣମାଧ୍ୟମରେ ସୂଚନା ଦେଇଛନ୍ତି । ହେଲେ ଉଭୟଙ୍କ ବିବାହ ସମୟରେ ଫଟୋ ଏପର୍ଯ୍ୟନ୍ତ ସୋସିଆଲ ମିଡିଆରେ ପ୍ରକାଶ ପାଇନାହିଁ । ଯାହା ଉଭୟଙ୍କ ଫ୍ୟାନ୍ସ ଚାତକ ପରି ଚାହିଁ ରହିଛନ୍ତି ।
ଅଭିନେତ୍ରୀ ଆଥିଆ ସେଟ୍ଟୀ ଏବଂ ଭାରତୀୟ କ୍ରିକେଟର ଲୋକେଶ ରାହୁଲ ଦୀର୍ଘ ଦିନ ଧର ପରସ୍ପରକୁ ଡେଟିଂ କରୁଥିଲେ । ଉଭୟଙ୍କ ବିବାହ ବାବଦରେ ପୂର୍ବରୁ ବହୁତ ଗୁଜବ ଖବର ସୋସିଆଲ ମିଡିଆରେ ଭାଇରାଲ ହୋଇଥିଲା । ହେଲେ ଆଜି ଶେଷରେ ସବୁ ଗୁଜବ ଉପରେ ପରଦା ଉଠାଉ ରାହୁଲ ଓ ଆଥିୟା ସାତ ଫେରାନେଇଛନ୍ତି । ଆଜି ଉଭୟ ବିବାହ ବନ୍ଧନରେ ବାନ୍ଧି ହୋଇଛନ୍ତି । ତେବେ ଉଭୟଙ୍କ ବିବାହ ସମ୍ପନ୍ନ ହେବା ପରେ ସେମାନଙ୍କୁ ଶୁଭେଚ୍ଛାର ସୁଅ ଛୁଟିବାରେ ଲାଗିଛି । ସେପଟେ ଏପର୍ଯ୍ୟନ୍ତ ସେମାନଙ୍କ ବିବାହ ମୁହୂର୍ତ୍ତର ଫଟୋ ସୋସିଆଲ ମିଡିଆରେ ଆସି ନଥିବା ବେଳେ ଉଭୟ ଗଣମାଧ୍ୟମ ସାମ୍ନାକୁ ମଧ୍ୟ ଆସିନାହାଁନ୍ତି ।