ହଙ୍ଗଝୌ: ଏସୀୟ କ୍ରୀଡା କ୍ରିକେଟ ଫାଇନାଲରେ ଭାରତୀୟ ପୁରୁଷ ଦଳ । ସେମିଫାଇନାଲରେ ବାଂଲାଦେଶକୁ ହରାଇ ଫାଇନାଲରେ ପ୍ରବେଶ କରିଛି ଋତୁରାଜ ଗାଏକ୍ବାଡ୍ଙ୍କ ନେତୃତ୍ବାଧୀନ ଭାରତୀୟ ଦଳ । ଉଭୟ ବ୍ୟାଟିଂ ଓ ବୋଲିଂରେ ଦମଦାର ପ୍ରଦର୍ଶନ କରି ଫାଇନାଲରେ ସ୍ଥାନ ପକ୍କା କରିଛି ଭାରତ । 25 ବଲ୍ରେ ତିଲକ ବର୍ମା ବିସ୍ଫୋରକ ଅର୍ଦ୍ଧଶତକ ହାସଲ କରିଥିଲେ । ଭାରତର ଘାତକ ବୋଲିଂ ଆଗରେ ବାଂଲାଦେଶ ଦଳୀୟ ସ୍କୋର୍ 3 ଅଙ୍କ ଛୁଇଁ ନଥିଲା । 96ରନରେ ଅଟକି ଯାଇଥିଲା ବାଂଲାଦେଶ ।
ଭାରତ ଟସ ଜିତି ଫିଲ୍ଡିଂ ନିଷ୍ପତ୍ତି ନେଇଥିଲା । ପ୍ରଥମେ ବ୍ୟାଟିଂ କରି ବାଂଲାଦେଶ ନିର୍ଦ୍ଧାରିତ 20 ଓଭରେର 9 ୱିକେଟ ହରାଇ ମାତ୍ର 96 ରନ କରିଥିଲା । ଦଳୀୟ ସ୍କୋର 18ରେ ବାଂଲାଦେଶ ପ୍ରଥମ ୱିକେଟ୍ ହରାଇଥିଲା । ମହମୁଦୁଲ ହାସଲ ଜଏ 5 ରନ କରି ସାଇ କିଶୋରଙ୍କ ଶିକାର ହୋଇଥିଲେ । ଏହାପରେ ୱାଶିଂଟନ ସୁନ୍ଦର ସୈଫ ହାସଲ (1)ଙ୍କୁ ପାଭିଲିୟନ ପଠାଇଥିଲେ । ପରେ ପରେ ଜାକିର ହୁସେନ ଖାତା ଖୋଲି ନପାରି ଆଉଟ୍ ହୋଇଥିଲେ । 8 ଓଭରରେ ତିଲକ ବର୍ମା ପାରଭେଡ ହୋସେନ ଅମୋନ (23)ଙ୍କୁ ଆଉଟ କରିଥିଲେ । 10ତମ ଓଭରରେ ସାଇ କିଶୋର ସାହାଦାତ ହୁସେନଙ୍କୁ (5) ଆଉଟ କରିଥିଲେ । 12ତମ ଓଭରରେ ସାଇ କିଶୋର (7) ଆଉଟ କରିଥିଲେ । ଦଳୀୟ ସ୍କୋର 58ରେରେ ବାଂଲାଦେଶ 6ୱିକେଟ ହରାଇ ସାରିଥିଲା । 15ତମ ଓଭରରେ ରବି ବିଷ୍ଣୋଇ ମୃତ୍ୟୁଞ୍ଜୟ (4)ଙ୍କୁ ଆଉଟ କରିଥିଲେ । ଏହାପରେ ରାକିବୁଲ ହାସନଙ୍କୁ ପାଭିଲିୟନ ପଠାଇଥିଲେ ସାହାବାଜ ଅହମ୍ମଦ । 19ତମ ଓଭରରେ ଅର୍ଶଦୀପ ସିଂ ରିପୋନ ମଣ୍ଡଳଙ୍କୁ ଆଉଟ କରିଥିଲେ । ଭାରତ ପକ୍ଷରୁ ସାଇ କିଶୋର 3ଟି ୱାଶିଂଟନ ସୁନ୍ଦର 2ଟି ଓ ରବି ବିଷ୍ଣୋଇ, ଅର୍ଶଦୀବ ସିହ ଓ ସାହାବାଜ ଅହମ୍ମଦ ଲେଖାଏଁ ୱିକେଟ ଅକ୍ତିଆର କରିଥିଲେ ।
97ରନରର ଛୋଟିଆ ବିଜୟ ଲକ୍ଷ୍ୟ ନେଇ ପାଳି ଆରମ୍ଭ କରିଥିଲା ଭାରତ । 9.2 ଓଭରରେ ବିଜୟ ଲକ୍ଷ୍ୟ ହାସଲ କରି ନେଇଥିଲା ଭାରତ । ଯଶ୍ବସୀ ଜୈସ୍ବାଲ ଓ ଋତୁରାଜ ଗାଏକ୍ବାଡ ପାଳି ଆରମ୍ଭ କରିଥିଲେ । ମାତ୍ର ଖାତା ଖୋଲି ନପାରି ପାଭିଲିୟନ ଫେରିଥିଲେ । ଏହାପରେ ତିଲକ ବର୍ମା ମୈଦାନକୁ ଓହ୍ଲାଇଥିଲେ । 25 ବଲରେ ତିଲକ ବର୍ମା ବିସ୍ଫୋରକ ଅର୍ଦ୍ଧଶତକ ହାସଲ । ଋତୁରାଜ ଗାଏକ୍ବାଡ ଗୋଟିଏ ଓଭରରେ 2ଟି ଛକା ଓ 2ଟି ଚୌକା ମାରିଥିଲେ । ଆସନ୍ତାକାଲି ସ୍ବର୍ଣ୍ଣ ପଦକ ପାଇଁ ମୈଦାନକୁ ଓହ୍ଲାଇବ ଭାରତ । ପାକିସ୍ତାନ ଓ ଆଫଗାନିସ୍ତାନ ମଧ୍ୟରେ ଖେଳାଯିବାକୁ ଥିବା ଦ୍ବିତୀୟ ସେମିଫାଇନାଲ ମ୍ୟାଚ୍ ବିଜୟୀ ଟିମ ବିପକ୍ଷରେ ଫାଇନାଲ୍ ଖେଳିବ ଭାରତ ।