ବେଙ୍ଗାଲୁରୁ: ଭାରତୀୟ ସ୍ପିନର ରବିଚନ୍ଦ୍ରନ ଅଶ୍ବିନ ଏମ ଚିନ୍ନାସ୍ବାମୀ ଷ୍ଟାଡିୟମରେ ସୋମବାର ଆଉ ଏକ ବିରଳ ଉପଲବ୍ଧି ହାସଲ କରିଛନ୍ତି । ଦକ୍ଷିଣ ଆଫ୍ରିକୀୟ ଭେଟେରାନ ଦ୍ରୁତ ବୋଲର ଡେଲ୍ ଷ୍ଟେନଙ୍କ ୪୩୯ ଟେଷ୍ଟ ୱିକେଟ ସଂଖ୍ୟାକୁ ଅତିକ୍ରମ କରିଛନ୍ତି ଅଶ୍ବିନ।
ବେଙ୍ଗାଲୁରୁରେ ଚାଲିଥିବା ଶ୍ରୀଲଙ୍କା ବିପକ୍ଷ ପିଙ୍କ୍ ବଲ୍ ଟେଷ୍ଟର ତୃତୀୟ ଦିନରେ ଅଶ୍ବିନ ୪୪୦ତମ ୱିକେଟ ହାସଲ କରିଛନ୍ତି । ଧନଞ୍ଜୟ ଡି ସିଲଭା ଅଶ୍ବିନଙ୍କ ୪୪୦ତମ ଶିକାର ହୋଇଛନ୍ତି । ଏଥିସହିତ ଟେଷ୍ଟ କ୍ରିକେଟ ଇତିହାସରେ ବିଶ୍ବର ଅଷ୍ଟମ ସର୍ବାଧିକ ୱିକେଟ ହାସଲକାରୀ ବୋଲର ହୋଇଛନ୍ତି ଅଶ୍ବିନ ।