ହାଇଦ୍ରାବାଦ:ତାମିଲ ଅଭିନେତା ବିବେକଙ୍କ ଦେହାନ୍ତରେ ମ୍ରିୟମାଣ ସିନେଜଗତ । ଲୋକପ୍ରିୟ ଅଭିନେତାଙ୍କ ବିୟୋଗରେ ଦେଶର ଅଗଣିତ ସେନେପ୍ରେମୀଙ୍କ ସହ ସବୁ ମହଲରେ ଖେଳିଯାଇଛି ଶୋକର ଛାୟା । ଭାରତୀୟ କ୍ରୀଡାଜଗତ ମଧ୍ୟ ଏଥିରୁ ବାଦ୍ ପଡିନି । ସ୍ପିନର ରବିଚନ୍ଦ୍ରନ ଅଶ୍ବିନ, ଅଲରାଉଣ୍ଡର ୱାସିଂଟନ ସୁନ୍ଦର ଓ ଦ୍ରୁତ ବୋଲର ଟି ନଟରାଜନ ଶୋକବ୍ୟକ୍ତ କରିବା ସହ ଗଭୀର ଶ୍ରଦ୍ଧାଞ୍ଜଳୀ ଜଣାଇଛନ୍ତି ।
ଶନିବାର ଚେନ୍ନାଇର SIMS ହସ୍ପିଟାଲରେ ବିବେକ ଶେଷ ନିଶ୍ବାସ ତ୍ୟାଗ କରିଛନ୍ତି । ମୃତ୍ୟୁ ବେଳକୁ ତାଙ୍କୁ 59 ବର୍ଷ ହୋଇଥିଲା ।
ଅଶ୍ବିନ ଟ୍ବିଟରେ ଲେଖିଛନ୍ତି, "ଅଭିନେତା ବିବେକଙ୍କ ଦେହାନ୍ତରେ ଅତ୍ୟନ୍ତ ଦୁଃଖି ।" ଫ୍ୟାନ୍ସ ଓ ପରିବାର ସଦସ୍ୟଙ୍କ ପ୍ରତି ସମବେଦନା ଜଣାଇବା ସହ ଅଶ୍ବିନ ଏହା ବିଶ୍ବାସ କରିବା କଷ୍ଟ ବୋଲି ଲେଖିଛନ୍ତି ।