ସିଡନୀ:ପୁଣି ଚର୍ଚ୍ଚାରେ ଇଂଲଣ୍ଡ ଅଲରାଉଣ୍ଡର ବେନ ଷ୍ଟୋକ୍ସ । ଚଳିତ ଚତୁର୍ଥ ଆସେସ ଟେଷ୍ଟର ତୃତୀୟ ଦିନରେ ଷ୍ଟୋକ୍ସ ଏପରି କିଛି କରିଛନ୍ତି, ଯାହାକୁ ଦେଖି ତାଜୁବ ହୋଇଯାଇଛି କ୍ରିକେଟଜଗତ । ଷ୍ଟୋକ୍ସ ବ୍ୟାଟିଂ କରୁଥିବା ସମୟରେ ଅଷ୍ଟ୍ରେଲୀୟ ଅଲରାଉଣ୍ଡର କେମରନ ଗ୍ରୀନଙ୍କ ଏକ ବଲ୍ ସିଧାସଳଖ ଯାଇ ଷ୍ଟମ୍ପ୍ସରେ ଲାଗିଥିଲା ।
ଅଷ୍ଟ୍ରେଲିଆ ଖେଳାଳି ଅପିଲ କରିବା ପରେ ପଡିଆ ଅମ୍ପାୟାର ପଲ୍ ରୈଫେଲ ଏହାକୁ ଆଉଟ୍ ଦେଇଥିଲେ । ମାତ୍ର ଏହା ସ୍ପଷ୍ଟ ହୋଇନଥିଲା ଯେ, ଅଷ୍ଟ୍ରେଲିଆ ଖେଳାଳି LBW କିମ୍ବା କଟ୍ ବିହାଇଣ୍ଡ(କ୍ୟାଚ୍) ଆଉଟ୍ ପାଇଁ ଅପିଲ କରିଥିଲେ । କାରଣ ଷ୍ଟୋକ୍ସ ଏହି ବଲ୍କୁ ଖେଳିବାକୁ ଚାହିଁନଥିଲେ ଓ ନିଜର ବ୍ୟାଟ୍ ଉପରକୁ କରି ବଲ୍ଟି ୱିକେଟ କିପରଙ୍କ ପାଇଁ ଛାଡିଥିଲେ । ତେବେ ଅମ୍ପାୟର ଆଉଟ୍ ଦେବା ପରେ ଷ୍ଟୋକ୍ସ ତୁରନ୍ତ ଏହାକୁ ଚ୍ୟାଲେଞ୍ଜ କରି DRS ଆବେଦନ କରିଥିଲେ ।
ଏହାମଧ୍ୟ ପଢନ୍ତୁ: ବାରବାଟୀରେ BCCI ଟିମ, ଫେବୃଆରୀରେ ଭାରତ-ୱେଷ୍ଟଇଣ୍ଡିଜ ମ୍ୟାଚ୍