ବ୍ରିସବେନ୍:ଆସେସ(Ashes) ସିରିଜର ପ୍ରଥମ ଟେଷ୍ଟରେ ଅଷ୍ଟ୍ରେଲିଆର ଦମଦାର ବିଜୟ । ବ୍ରିସବେନର ଐତିହାସିକ ଗାବା(Gabba) ଗ୍ରାଉଣ୍ଡରେ ଖେଳାଯାଉଥିବା ସିରିଜର ପ୍ରଥମ ଟେଷ୍ଟର ଚତୁର୍ଥ ଦିନରେ ଜୋ ରୁଟ୍ଙ୍କ ଟିମ ଇଂଲଣ୍ଡକୁ ୯ ୱିକେଟରେ ହରାଇଛି କଙ୍ଗାରୁ ଟିମ । ଏଥିସହ ୫ ଟିକିଆ ଆସେସ ଟେଷ୍ଟ ସିରିଜରେ ୧-୦ରେ ଆଗୁଆ ହୋଇଛି ।
ମ୍ୟାଚ୍ର ତୃତୀୟ ଦିନରେ ଭ୍ରମଣକରୀ ଇଂଲଣ୍ଡ ଲଢୁଆ ପ୍ରଦର୍ଶନ କରିଥିଲେ ମଧ୍ୟ ଚତୁର୍ଥ ଦିନ ଖେଳ ଆରମ୍ଭରେ ଆତ୍ମସମର୍ପଣ କରିଥିଲା । ପ୍ରଥମ ଇଂନିସରେ ବ୍ୟାଟିଂ ବିପର୍ଯ୍ୟୟର ସହ ମାତ୍ର ୧୪୭ ରନ୍ରେ ଅଲଆଉଟ୍ ହୋଇଯାଇଥିବା ଇଂଲଣ୍ଡ ଦ୍ବିତୀୟ ଇଂନିସରେ ଏହାର ଭରଣା କରିବାକୁ ସଂପୂର୍ଣ୍ଣ ପ୍ରୟାସ କରିଥିଲା । ମାତ୍ର ଚତୁର୍ଥ ଦିନ ଆରମ୍ଭରେ ଅଷ୍ଟ୍ରେଲିଆ ପ୍ରତି ଆକ୍ରମଣ କରିବା ସହ ବିଜୟ ସୁନିଶ୍ଚିତ କରିଥିଲା । ୨୯୭ ରନ୍ରେ ଦ୍ବିତୀୟ ଇଂନିସରେ ଇଂଲଣ୍ଡକୁ ରୋକିଥିଲେ କଙ୍ଗାରୁ ବୋଲର । ଶେଷ ୮ଟି ୱିକେଟ ମାତ୍ର ୭୭ ରନ୍ରେ ହରାଇଥିଲା ଭ୍ରମଣକାରୀ ଟିମ ।
ଏହାମଧ୍ୟ ପଢନ୍ତୁ:ଶାସ୍ତ୍ରୀଙ୍କ ବଡ ଖୁଲାସା, 2019 ବିଶ୍ବକପ ଟିମ ଚୟନ ସଠିକ୍ ନଥିଲା