ହାଇଦ୍ରାବାଦ:ଜୁନିଅର ତେନ୍ଦୁଲକରଙ୍କ ଶତକ ହାସଲ । ବାପାଙ୍କ ପରେ ଏବେ କ୍ରିକେଟ ମଇଦାନରେ ନିଜର ଚମତ୍କାର ପ୍ରଦର୍ଶନ ଦେଖାଇଛନ୍ତି ଜୁନିଅର ତେନ୍ଦୁଲକର । ତୁଳସୀ ଦୁଇ ପତ୍ରରୁ ବାସିଲା ପରି ରଣଜୀ ଟ୍ରଫି ଡେବ୍ୟୁ ମ୍ୟାଚରେ ହିଁ ଶତକ ହାସଲ କରିଛନ୍ତି ଅର୍ଜୁନ ତେନ୍ଦୁଲକର । ଅର୍ଜୁନ ତେନ୍ଦୁଲକର ଗୋଆ ତରଫରୁ ରଣଜୀ ଟ୍ରଫିରେ ଡେବ୍ୟୁ କରିଛନ୍ତି । ସେ ଡେବ୍ୟୁ ମ୍ୟାଚରେ ହିଁ ଶତକୀୟ ଇନିଂସ ଖେଳି କ୍ରିକେଟ ମଇଦାନରେ ସଚିନଙ୍କ ଅବତାରକୁ ପୁଣି ଥରେ ମନେପକାଇ ଦେଇଛନ୍ତି ।
କ୍ରିକେଟର ଭଗବାନ କୁହାଯାଉଥିବା ତେନ୍ଦୁଲକର କ୍ରିକେଟ ଦୁନିଆର ଅନେକ କୀର୍ତ୍ତିମାନ ସ୍ଥାପନ କରିଯାଇଛନ୍ତି । ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକରଙ୍କ ଅନ୍ତର୍ଜାତୀୟ କ୍ରିକେଟର ୧୦୦ଟି ଶତକ ଏକ ମାଇଲଷ୍ଟୋନ । ଯାହାକୁ ଆଜି ଯାଏଁ କେହି ଅତିକ୍ରମ କରିପାରିନାହାନ୍ତି । କ୍ରିକେଟ ପ୍ରତି ତାଙ୍କର ପ୍ରତିଭା ତୁଳସୀ ଦୁଇ ପତ୍ରରୁ ବାସିଲା ପରି ରଣଜୀ ଡେବ୍ୟୁ ମ୍ୟାଚରେ ହିଁ ଦୃଶ୍ୟମାନ ହୋଇଥିଲା । ସେ ରଣଜୀ ଡେବ୍ୟୁ ମ୍ୟାଚରେ ଶତକ ହାସଲ କରିଥିଲେ । ବର୍ଷ ୧୯୮୮ରେ ମୁମ୍ବାଇ ତରଫରୁ ରଣଜୀ ମ୍ୟାଚ୍ ଡେବ୍ୟୁ କରି ଗୁଜୁରାଟ ବିପକ୍ଷରେ ଶତକୀୟ ଇନିଂସ ଖେଳଥିଲେ ।