ହାଇଦ୍ରାବାଦ: ଅଲମ୍ପିଆନ ପିଭି ସିନ୍ଧୁଙ୍କ ( Indian badminton player PV Sindhu ) ଘରେ ପହଁଞ୍ଚିଲେ ପ୍ରଖ୍ୟାତ ଅଭିନେତା ଅନୁପମ ଖେର ( Anupam Kher ) । ଷ୍ଟାର ବ୍ୟାଡମିଣ୍ଟନ ଖେଳାଳି ପିଭି ସିନ୍ଧୁଙ୍କ ପୁରସ୍କାର ଟ୍ରଫି ଦେଖି ଆଶ୍ଚର୍ଯ୍ୟ ହେଲେ ଏହି ଅଭିନେତା । ତେବେ ପିଭି ସିନ୍ଧୁଙ୍କୁ ସାକ୍ଷାତ କରିବା ପରେ ଅନୁପମ ଖେର ଅଲମ୍ପିଆନଙ୍କ ପୁରସ୍କାର ଟ୍ରଫି ଥାକର ଏକ ଭିଡିଓ ତାଙ୍କ ଟ୍ବିଟର ଆକାଉଣ୍ଟରେ ପୋଷ୍ଟ କରିଛନ୍ତି ।
ଭାରତର ସଫଳ କ୍ରୀଡାବିତଙ୍କ ମଧ୍ୟରେ ଅଲମ୍ପିଆନ ପିଭି ସିନ୍ଧୁ ଅନ୍ୟତମ ଅଟନ୍ତି । ଏହି ଷ୍ଟାର ସଟଲର ପିଭି ସିନ୍ଧୁ ଖେଳ ମାଧ୍ୟମରେ ଦେଶକୁ ଗୌରବାନ୍ବିତ କରିଛନ୍ତି । ବିଭିନ୍ନ ଇଭେଣ୍ଟରେ ଭାଗ ନେଇ ଦେଶକୁ ଅନେକ ପଦକ ଭେଟି ଦେଇଛନ୍ତି । ପିଭି ସିନ୍ଧୁଙ୍କ ସଫଳତାକୁ ଭୂୟସୀ ପ୍ରଶଂସା କରିଛନ୍ତି ବଲିଉଡର ପ୍ରଖ୍ୟାତ ଅଭିନେତା ଅନୁପମ ଖେର । ଏହା ସହିତ ତାଙ୍କ ସଫଳତା ପାଇଁ ହାସଲ ହୋଇଥିବା ପଦକ ଏବଂ ଟ୍ରଫିକୁ ଦେଖି ଆଶ୍ଚର୍ଯ୍ୟ ହୋଇପଡିଥିଲେ ଅଭିନେତା ଖେର । ତାଙ୍କର ପଦକ ଓ ଟ୍ରଫିକୁ ଦେଖିବା ପରେ ତାର ଏକ ଭିଡିଓ ଇନଷ୍ଟାଗ୍ରାମ ରିଲ୍ସରେ ପୋଷ୍ଟ କରିଥିଲେ ଅନୁପମ ଖେର । ଭିଡିଓ ପୋଷ୍ଟ କରି ଅନୁପମ ଖେର କହିଛନ୍ତି " ଆଉ ଏକ ଚମ୍ପିଆନଙ୍କ ଘରେ ଥିବା ଏହି ଥାକକୁ ଦେଖନ୍ତୁ । ଥାକରେ ପ୍ରବଳ ପୁରସ୍କାର ଦେଖି ମୋତେ ବହୁତ ଗର୍ବ ଅନୁଭବ ହେଉଛି । ଏହା ଚମତ୍କାର ଅଟେ ଏହା ଆଶ୍ଚର୍ଯ୍ୟଜନକ କଥା ଅଟେ ।"