ହାଇଦ୍ରାବାଦ: ଆଫଗାନିସ୍ତାନ ପୁରୁଷ କ୍ରିକେଟ ଟିମର ନୂଆ ମୁଖ୍ୟ କୋଚ୍ ହୋଇଛନ୍ତି ଇଂଲଣ୍ଡର ପୂର୍ବତନ ସହକାରୀ କୋଚ୍ ଗ୍ରାହମ ଥୋରପେ । ଆଫଗାନିସ୍ତାନ କ୍ରିକେଟ ବୋର୍ଡ ମଙ୍ଗଳବାର ଏହି ଘୋଷଣା କରିଛି । ଫଳରେ ପୂର୍ବରୁ କୋଚ୍ ଥିବା ଦକ୍ଷିଣ ଆଫ୍ରିକାର ଲାନ୍ସ କ୍ଳୁସନେରଙ୍କ ସ୍ଥାନ ନେବେ ଥୋରପେ ।
ଗ୍ରାହମ ଥୋରପେ ହେଲେ ଆଫଗାନିସ୍ତାନ ଟିମର ନୂଆ ମୁଖ୍ୟ କୋଚ୍
ଆଫଗାନିସ୍ତାନ ପୁରୁଷ କ୍ରିକେଟ ଟିମର ନୂଆ ମୁଖ୍ୟ କୋଚ୍ ହୋଇଛନ୍ତି ଇଂଲଣ୍ଡର ପୂର୍ବତନ ସହକାରୀ କୋଚ୍ ଗ୍ରାହମ ଥୋରପେ । ଆଫଗାନିସ୍ତାନ କ୍ରିକେଟ ବୋର୍ଡ ମଙ୍ଗଳବାର ଏହି ଘୋଷଣା କରିଛି । ଅଧିକ ପଢନ୍ତୁ
ଗ୍ରାହମ ଥୋରପେ ହେଲେ ଆଫଗାନିସ୍ତାନ ଟିମର ନୂଆ ମୁଖ୍ୟ କୋଚ୍
ପୂର୍ବତନ ଇଂଲିସ ମଧ୍ୟକ୍ରମ ବ୍ୟାଟ୍ର ଗ୍ରାହମ ଥୋରପେ ଇଂଲଣ୍ଡ ପକ୍ଷରୁ ୧୯୮୭ରୁ ୨୦୦୨ ମଧ୍ୟରେ ୧୦୦ଟି ଟେଷ୍ଟ ମ୍ୟାଚ୍ ଖେଳିଛନ୍ତି । ୪୪.୬୬ ଆଭରେଜରେ ୬୭୪୪ ରନ୍ ସଂଗ୍ରହ କରିଛନ୍ତି । ଅପରାଜିତ ୨୦୦ ରନ୍ ତାଙ୍କର ସର୍ବାଧିକ ବ୍ୟକ୍ତିଗତ ସ୍କୋର । ଇଂଲଣ୍ଡ ପକ୍ଷରୁ ୮୨ଟି ଅନ୍ତର୍ଜାତୀୟ ଦିନିକିଆ ମ୍ୟାଚ୍ରେ ମଧ୍ୟ ପ୍ରତିନିଧିତ୍ବ କରିଛନ୍ତି । ODI ଫର୍ମାଟରେ ୨୧ଟି ଅର୍ଦ୍ଧଶତକ ସହିତ ୨୩୮୦ ରନ୍ ତାଙ୍କ ନାମରେ ରହିଛି ।
ଜାତୀୟ ଟିମର କୋଚ୍ ଭାବେ ମଧ୍ୟ ପ୍ରାୟ ଏକ ଦଶନ୍ଧିରୁ ଉର୍ଦ୍ଧ୍ବ ସମୟ କାର୍ଯ୍ୟ କରିଛନ୍ତି । ଆସେସ ସିରିଜରେ ଇଂଲଣ୍ଡର ଶୋଚନୀୟ ପରାଜୟ ପରେ ଥୋରପେଙ୍କ ସମେତ ଇଂଲଣ୍ଡର ମୁଖ୍ୟ କୋଚ୍ ସିଲଭରଉଡ୍, ନିର୍ଦ୍ଦେଶକ ଆସଲେ ଗିଲ୍ସଙ୍କୁ ପଦରୁ ହଟାଇଥିଲା ଇସିବି ।