ରାଜ୍ୟସ୍ତରୀୟ ବ୍ୟାଡମିଣ୍ଟନ ଚମ୍ପିଆନସିପରେ ସିଦ୍ଧାର୍ଥ-ସୁରେନ୍ଦ୍ର ଚମ୍ପିଆନ

ରାଜ୍ୟସ୍ତରୀୟ ବ୍ୟାଡମିଣ୍ଟନ ଚମ୍ପିଆନସିପ ଉଦ୍‌ଯାପିତ । ଢେଙ୍କାନାଳ ଜିଲ୍ଲାପାଳ ଭୂମେଶ ଚନ୍ଦ୍ର ବେହେରା ପ୍ରତିଯୋଗୀମାନଙ୍କୁ  ପୁରସ୍କୃତ କରିଥିଲେ। ।

ଢେଙ୍କାନାଳ: ସ୍ଥାନୀୟ ଇନଡୋର ଷ୍ଟାଡିୟମରେ ଗତ 2 ଦିନ ଧରି ଚାଲିଥିବା ରାଜ୍ୟସ୍ତରୀୟ ବ୍ୟାଡମିଣ୍ଟନ ଚମ୍ପିଆନସିପ ଉଦ୍‌ଯାପିତ ହୋଇଯାଇଛି । ଏହି ଅବସରରେ ମୁଖ୍ୟ ଅତିଥି ଭାବେ ଢେଙ୍କାନାଳ ଜିଲ୍ଲାପାଳ ଭୂମେଶ ଚନ୍ଦ୍ର ବେହେରା ଯୋଗଦେଇ ଚମ୍ପିଆନ ପ୍ରତିଯୋଗୀଙ୍କୁ ପୁରସ୍କୃତ କରିଥିଲେ । ଜିଲ୍ଲା ବ୍ୟାଡମିଣ୍ଟନ ସଂଘ ପକ୍ଷରୁ ଟଙ୍କଧର ବେହେରା ଓ ମଳୟ ପଟ୍ଟନାୟକ ଏହି କାର୍ଯ୍ୟକ୍ରମକୁ ପରିଚାଳନା କରିଥିଲେ ।

ଚଳିତ ବର୍ଷ ସାଧାରଣ ବର୍ଗରେ କୋରାପୁଟର ସିଦ୍ଧାର୍ଥ ଓ ବଲାଙ୍ଗୀରର ସୁରେନ୍ଦ୍ର ଯୋଡି, ୪୦ରୁ ଉର୍ଦ୍ଧ୍ବ ବର୍ଗରେ ଜେଏସ ଶ୍ରବଣ କୁମାର ଓ ଶିବପ୍ରସାଦ ପାଢୀ, ୪୫ ବର୍ଷ ବର୍ଗରେ ତେଜ ବାହାଦୁର ଓ ଗୁରୁଙ୍ଗ ପ୍ରସାଦ ଚମ୍ପିଆନ୍ ହୋଇଛନ୍ତି ।

ଢେଙ୍କାନାଳରୁ ଉର୍ମିଳା ପାତ୍ର , ଇଟିଭି ଭାରତ