ପ୍ୟାରିସ:ଓରଲିନସ ମାଷ୍ଟର୍ସ ଟୁର୍ଣ୍ଣାମେଣ୍ଟର ସେମିଫାଇନାଲରେ ପହଞ୍ଚିଲେ ଭାରତୀୟ ବ୍ୟାଡମିଣ୍ଟନ ତାରକା ସାଇନା ନେହୱାଲ। କ୍ବାର୍ଟର ଫାଇନାଲରେ ସାଇନା ନେହୱାଲଙ୍କ ସହ ଆମେରିକାର ଆଇରିସ ୱାଙ୍ଗଙ୍କ ସହ ମୁକାବିଲା ହୋଇଥିଲା। ଏହି ମ୍ୟାଚକୁ 3ଟି ସେଟ 21- 19, 17- 21 ଓ 21- 19ରେ ଜିତି ନେଇଛନ୍ତି ସାଇନା।
ଏକ ଘଣ୍ଟା ଧରି ଚାଲିଥିବା ଏହି ମ୍ୟାଚରେ ଦୁହିଁଙ୍କ ମଧ୍ୟରେ କଡ଼ା ଟକ୍କର ଦେଖିବାକୁ ମିଳିଥିଲା। ପ୍ରଥମ ସେଟରେ ସାଇନା ୱାଙ୍ଗଙ୍କୁ ରୋମାଞ୍ଚକର ଭାବରେ ମାତ୍ର ଦୁଇ ପଏଣ୍ଟ ବ୍ୟବଧାରେ ବିଜୟୀ ହୋଇଥିଲେ। ତେବେ ଦ୍ବିତୀୟ ସେଟରେ ମ୍ୟାଚକୁ ପ୍ରତ୍ୟାବର୍ତ୍ତନ କରିଥିଲେ ୱାଙ୍ଗ। ଏହାପରେ ଶେଷ ସେଟରେ ସାଇନା ଜବରଦସ୍ତ ପ୍ରଦର୍ଶନ କରି ମ୍ୟାଚ ହାତେଇ ନେଇଥିଲେ।