ପ୍ୟାରିସ: ଓର୍ଲେଆନ୍ସ ମାଷ୍ଟର ବ୍ୟାଡମିଣ୍ଟନ ଟୁର୍ଣ୍ଣାମେଣ୍ଟର କ୍ବାର୍ଟର ଫାଇନାଲରେ ପହଞ୍ଚିଲେ ସାଇନା ନେହୱାଲ। ଓର୍ଲେଆନ୍ସ ମାଷ୍ଟର ଦ୍ବିତୀୟ ରାଉଣ୍ଡରେ ସେ ଫ୍ରାନ୍ସର ମାରୀ ବାଟୋମେନେଙ୍କୁ ମାତ ଦେଇଛନ୍ତି । 51 ମିନିଟ ଧରି ଚାଲିଥିବା ଏହି ମ୍ୟାଚକୁ 3ଟି ସେଟ୍ 18- 21, 21- 15 ଓ 21- 10ରେ ଜିତି ନେଇଛନ୍ତି ସାଇନା ନେହୱାଲ।
ସେପଟେ ଆଉ ଏକ ମୁକାବିଲାରେ ବୁଲେଗେରିଆର ମାରିଆ ମିତଶୋବାଙ୍କୁ ପରାଜିତ କରିଛନ୍ତି ଭାରତର ଇରା ଶର୍ମା । ଦୁଇଟି ସେଟ 21 - 18 ଓ 21 - 13ରେ ମିତଶୋବା ପରାଜିତ ହୋଇଛନ୍ତି। 32 ମିନିଟ ଧରି ଏହି ମୁକାବିଲା ଚାଲିଥିଲା। ଇରା ଶର୍ମା ପରବର୍ତ୍ତୀ ମ୍ୟାଚ ଡେନମାର୍କର ଲିନ ଖ୍ରୀଷ୍ଟଫେରସେନଙ୍କ ସହ ଖେଳିବେ।