ନୂଆଦିଲ୍ଲୀ:ଥାଇଲାଣ୍ଡ ଓପନର ସୁପର 1000 ବ୍ୟାଡମିଣ୍ଟନ ଟୁର୍ଣ୍ଣାମେଣ୍ଟର ପ୍ରଥମ ରାଉଣ୍ଡରେ ପରାଜିତ ହୋଇଛନ୍ତି ସାଇନା ନେହୱାଲ। ଅଲିମ୍ପିକ ପଦକ ହାସଲ କରିବାକୁ ଆଶା ରଖିଥିବା ଏହି ବ୍ୟାଡମିଣ୍ଟନ ତାରକା ପ୍ରଥମ ରାଉଣ୍ଡରେ ପୂର୍ବତନ ବିଶ୍ବ ଚାମ୍ପିୟନ ରେଚାନୋକ ଇନ୍ତାନୋନ ଠାରୁ ପରାଜିତ ହୋଇଛନ୍ତି। 30 ମିନିଟ ଧରି ଚାଲିଥିବା ଏହି ମ୍ୟାଚକୁ 21-17, 21-8 ସେଟରେ ଜିତି ନେଇଛନ୍ତି ଇନ୍ତାନୋନ।
ସେପଟେ ପୁରଷ ବିଭାଗରେ ସମୀର ବର୍ମା ଜବରଦସ୍ତ ପ୍ରଦର୍ଶନ ଜାରି ରଖିଛନ୍ତି। ସେ ବିଶ୍ବର ଦଶ ନମ୍ବର ଖେଳାଳି ଲିଇ ଜିଇ ଜିୟାଙ୍କୁ 3ଟି ସେଟରେ ପରାସ୍ତ କରିଛନ୍ତି। ପ୍ରଥମ ରାଉଣ୍ଡରେ ମାଲେସିଆର ଲିଇ ଜିଇ ଜିୟାଙ୍କୁ 18-21, 27-25 ଓ 21-19 ସେଟରେ ହରାଇଛନ୍ତି। ଏହି ମାରାଥନ ବ୍ୟାଡମିଣ୍ଟନ ମ୍ୟାଚ ଏକ ଘଣ୍ଟା 15 ଧରି ଚାଲିଥିଲା।