ହାଇଦ୍ରାବାଦ: ବାସେଲଠାରେ ଅନୁଷ୍ଠିତ ହୋଇଥିବା ବିଶ୍ବ ବ୍ୟାଡମିଣ୍ଟନ ଚମ୍ପିଆନସିପରେ ଇତିହାସ ରଚିଛନ୍ତି ଏକମାତ୍ର ଭାରତୀୟ ଅଲମ୍ପିକ୍ ରୌପ୍ୟ ପଦକ ବିଜେତା ପି.ଭି ସିନ୍ଧୁ । ପ୍ରଥମ ଭାରତୀୟ ଭାବେ ଏହି ବିଶ୍ବସ୍ତରୀୟ ଟୁର୍ଣ୍ଣାମେଣ୍ଟରେ ସ୍ବର୍ଣ୍ଣ ପଦକ ହାତେଇଛନ୍ତି ସିନ୍ଧୁ । ତେବେ ଅନ୍ୟ ଗୁରୁତ୍ବପୂର୍ଣ୍ଣ କଥା ହେଲା ଆଜି ଥିଲା ସିନ୍ଧୁଙ୍କ ମାଆଙ୍କର ଜନ୍ମଦିନ । ବିଜୟ ପରେ ପ୍ରତିକ୍ରିୟା ରଖଲା ସମୟରେ ସିନ୍ଧୁ ତାଙ୍କ ମାଆଙ୍କୁ ଷ୍ଟାଡିୟମରୁ ଜନ୍ମଦିନର ଶୁଭେଚ୍ଛା ଜଣାଇଛନ୍ତି ।
ଭିଡିଓ ସୌଜନ୍ୟ- ଇଟିଭି ଭାରତ
ତେବେ ଜନ୍ମଦିନରେ ଝିଅର ଏହି ଉପଲବ୍ଧିରେ ଖୁସି ପ୍ରକାଶ କରିଛନ୍ତି ସିନ୍ଧୁଙ୍କ ମାଆ ବିଜୟା ଲକ୍ଷ୍ମୀ । ସିନ୍ଧୁଙ୍କ ଏହି ସଫଳତା ପରେ ଆମ 'ଇଟିଭି ଭାରତ' ପ୍ରତିନିଧି ସିନ୍ଧୁଙ୍କ ମାଆଙ୍କୁ ଭେଟିଥିଲେ । ତେବେ ଝିଅର ଏହି ସଫଳତାରେ ସେ ଖୁବ ଖୁସି ଥିବା କହିଛନ୍ତି । ନିଜର ଖୁସି ଜାରି କରି ସେ କହିଛନ୍ତି, "ହଁ ପ୍ରକୃତରେ ଏହା ମୋ ପାଇଁ ମୋ ଜନ୍ମଦିନର ବଡ ଉପହାର । "