ହାଇଦ୍ରାବାଦ: କୋରିଆ ଓପନ ସେମିଫାଇନାଲରେ ପ୍ରବେଶ କଲେ ପାରୁପଲ୍ଲୀ କଶ୍ୟପ । ପୁରୁଷ ଏକକ ବର୍ଗରେ ଭାରତୀୟ ସର୍ଟଲର ପାରୁପଲ୍ଲୀ କଶ୍ୟପ ଜର୍ଜନସେନଙ୍କୁ 24-22, 21-8 ସେଟରେ ହରାଇଛନ୍ତି । କୋରିଆ ଓପନ ବିଶ୍ବ ଟୁର ସୁପର 500 ଟୁର୍ଣ୍ଣାମେଣ୍ଟରେ ପାରୁପଲ୍ଲୀ ଏକମାତ୍ର ଭାରତ ଭାବେ ପଦକ ଆଶା ଉଜ୍ଜୀବିତ ରଖିଛନ୍ତି ।
କୋରିଆ ଓପନ: ସେମିରେ କଶ୍ୟପ
ଜର୍ଜନସେନଙ୍କୁ 24-22, 21-8 ସେଟରେ ହରାଇ, କୋରିଆ ଓପନ ସେମିଫାଇନାଲରେ ପ୍ରବେଶ କଲେ ପାରୁପଲ୍ଲୀ କଶ୍ୟପ ।
ପଟୋ ସୌଜନ୍ୟ: twitter@parupallik
କ୍ବାର୍ଟର ଫାଇନାଲ ମୁକାବିଲାରେ 37ତମ ମିନିଟରେ ହିଁ ମ୍ୟାଚ ଶେଷ କରିଥିଲେ ପାରୁପଲ୍ଲୀ । ଏଥିସହିତ ଏକତରଫା ବିଜୟ ହାସଲ କରିଥିଲେ । ଚଳିତ ସଂସ୍କରଣରେ ତାଙ୍କର 2ୟ ସେମିଫାଇନାଲ ପ୍ରବେଶ ।
ସେମି ଲଢେଇରେ ଜାପାନର ଭେଟେରାନ କେଣ୍ଟୋ ମୋମତାଙ୍କ ସହ ତାଙ୍କର ମୁକାବିଲା ହେବ । 2ଥରର ବିଶ୍ବ ଚମ୍ପିଆନ ଓ ବିଶ୍ବର ମାନ୍ୟତାର 1ନଂ ସ୍ଥାନରେ କେଣ୍ଟୋ ମୋମତା ରହିଛନ୍ତି ।
ଅନ୍ୟପଟେ 2014 ରାଜ୍ୟଗୋଷ୍ଠୀ ଗେମ୍ସ ସ୍ବର୍ଣ୍ଣ ବିଜେତା ପାରୁପଲ୍ଲୀ ମଧ୍ୟ ଜବରଦସ୍ତ ଫର୍ମରେ ଅଛନ୍ତି । ତେଣୁ ଉଭୟଙ୍କ ମଧ୍ୟରେ କଡା ଟକ୍କର ହେବାନେଇ ଆଶା କରାଯାଉଛି ।