ଭୁବନେଶ୍ବର: ରାଜଧାନୀ ଭୁବନେଶ୍ବରରେ ଚାଲିଥିବା ଚତୁର୍ଥ ଜାତୀୟ ପାରା-ବ୍ୟାଡମିଣ୍ଟନ ଚାମ୍ପିଅନସିପ୍ ( Para-Badminton National C'ship)ଶେଷ ହୋଇଛି । ହରିୟାଣାର ନିତେଶ କୁମାର ଡବଲ୍ ଗୋଲ୍ଡ ମେଡାଲ ବିଜେତା ହୋଇଛନ୍ତି । ପୁରୁଷ SL3 ବର୍ଗରେ ନିତେଶ ସ୍ବର୍ଣ୍ଣ ପଦକ ଜିତିବା ସହ ତରୁଣଙ୍କ ସହ ମିଶି ପୁରୁଷ ଯୁଗଳ ବପ୍ଗରେ ମଧ୍ୟ ସ୍ବର୍ଣ୍ଣ ପଦକ ବିଜେତା ହୋଇଛନ୍ତି । ଏହି ଯୋଡି ପ୍ରମୋଦ ଭଗତ ଓ ମନୋଜ ସରକାରଙ୍କୁ ୨୧-୧୯ ଓ ୨୧-୧୧ ସିଧାସଳଖ ସେଟ୍ରେ ହରାଇଛନ୍ତି । ଅନ୍ୟପଟେ SU5 ବର୍ଗରେ ରୁତିକ ସଂଘର୍ଷପୂର୍ଣ୍ଣ ମୁକାବିଲାରେ ଚିରାଗଙ୍କୁ ହରାଇଛନ୍ତି ।
ବିଶ୍ବ ନମ୍ବର ୧ SL3 ପାରା-ବ୍ୟାଡ୍ମିଣ୍ଟନ ଖେଳାଳି ଗୁଜୁରାଟର ପାରୁଲ ପରମାର ସ୍ବର୍ଣ୍ଣ ପଦକ ହାତେଇଛନ୍ତି । ଉତ୍ତରାଖଣ୍ଡର ମନଦୀପ କୌର ରୌପ୍ୟ ଓ ମାନସୀ ଜୋଷୀ କାଂସ୍ୟ ପଦକ ଜିତିଥିଲେ । ମହିଳା ହ୍ବିଲଚେୟାର ୧ ବର୍ଗରେ କେରଳର ଅଲଫିଆ ଜେମ୍ସ ସ୍ବର୍ଣ୍ଣ ଓ ଉତ୍ତରାଖଣ୍ଡର ନୀରଜା ଗୋୟଲ ରୌପ୍ୟ ବିଜେତା ହୋଇଛନ୍ତି । ସେହିପରି ଉତ୍ତରାଖଣ୍ଡର ନିର୍ମଳା ମେହେଟା ଓ ଉତ୍ତର ପ୍ରଦେଶର ରଞ୍ଜିତା ମୌର୍ଯ୍ୟ କାଂସ୍ୟ ପଦକ ଜିତିଛନ୍ତି ।
ଏହାମଧ୍ୟ ପଢନ୍ତୁ: Yearender 2021: ବିଶ୍ବକ୍ରୀଡା ମଞ୍ଚରେ ଭାରତୀୟ ଆଥଲେଟ୍ଙ୍କ ଚମତ୍କାର