ଫ୍ରେଞ୍ଚ ଓପନ: ଅଧାରେ ଅଟକିଲେ ସିନ୍ଧୁ

ଫ୍ରେଞ୍ଚ ଓପନ କ୍ବାର୍ଟର ଫାଇନାଲ ମୁକାବିଲାରେ ତାଇୱାନ ଖେଳାଳି ତାଇ ୟୁ ୟିଙ୍ଗଙ୍କ ଠାରୁ ପରାସ୍ତ ହୋଇ ଫ୍ରେଞ୍ଚ ଓପନରୁ ବାଦ ପଡିଛନ୍ତି ଭାରତୀୟ ଷ୍ଟାର ସଟଲର ପିଭି ସିନ୍ଧୁ ।

ପ୍ୟାରିସ: ଭାରତୀୟ ଷ୍ଟାର ସଟଲର ପିଭି ସିନ୍ଧୁ ଫ୍ରେଞ୍ଚ ଓପନରୁ ବାଦ ପଡିଛନ୍ତି । କ୍ବାର୍ଟର ଫାଇନାଲ ମୁକାବିଲାରେ ତାଇୱାନ ଖେଳାଳି ତାଇ ୟୁ ୟିଙ୍ଗଙ୍କ ଠାରୁ ସିନ୍ଧୁ 16-21, 26-24, 17-21 ସେଟରେ ପରାସ୍ତ ହୋଇଛନ୍ତି ।

ପ୍ରଥମ ସେଟକୁ ତାଇୱାନ ଖେଳାଳି ଜିତିବା ପରେ, 2ୟ ସେଟରେ ସିନ୍ଧୁ ଜବରଦସ୍ତ କମବ୍ୟାକ କରିଥିଲେ । ତେବେ 3ୟ ତଥା ନିର୍ଣ୍ଣାୟକ ସେଟରେ 17-21 ସେଟରେ ସିନ୍ଧୁଙ୍କୁ ପରାଜିତ ହେବାକୁ ପଡିଥିଲା ।

24ବର୍ଷିୟା ସିନ୍ଧୁ ବିଶ୍ବ ବ୍ୟାଡମିଣ୍ଟନ ଚମ୍ପିଆନସିପ ଚମ୍ପିଆନ ହୋଇଥିଲେ । ମାତ୍ର ଏହି ଟୁର୍ଣ୍ଣାମେଣ୍ଟ ପରେ କ୍ରମାଗତ ଭାବେ 3ଟି ଟୁର୍ଣ୍ଣାମେଣ୍ଟରୁ ବାଦ ପଡିଛନ୍ତି ।
ସିନ୍ଧୁଙ୍କ ସହ ଭାରତୀୟ ସଟଲର ପାରୁପଲ୍ଲୀ କଶ୍ୟପ, ସାଇନା ନେୱାଲ ମଧ୍ୟ ଏହି ଟୁର୍ଣ୍ଣାମେଣ୍ଟରୁ ବିଦାୟ ନେଇଛନ୍ତି ।