COVID-19: ଇଣ୍ଡିଆ ଓପନ ବ୍ୟାଡମିଣ୍ଟନରୁ ଓହରିଲା ଇଂଲଣ୍ଡ

ଆଗାମୀ ଇଣ୍ଡିଆ ଓପନ ବ୍ୟାଡ୍‌ମିଣ୍ଟନ ଟୁର୍ନାମେଣ୍ଟରୁ ଓହରିଲା ସଂପୂର୍ଣ୍ଣ ଇଂଲଣ୍ଡ ବ୍ୟାଡ୍‌ମିଣ୍ଟନ ଟିମ । ଦେଶର ଡବଲ୍ସ ସ୍ପେଶାଲିଷ୍ଟ ସିନ ଭେଣ୍ଡି ଓ କୋଚ୍‌ ନାଥନ ରୋବର୍ଟସନ COVID-19 ପଜିଟିଭ ଚିହ୍ନଟ ହେବାପରେ ଟୁର୍ନାମେଣ୍ଟରୁ ଓହରିଯାଇଛି ଇଂଲିସ ଟିମ । ଅଧିକ ପଢନ୍ତୁ

ନୂଆଦିଲ୍ଲୀ: ଆଗାମୀ ଇଣ୍ଡିଆ ଓପନ ବ୍ୟାଡ୍‌ମିଣ୍ଟନ ଟୁର୍ନାମେଣ୍ଟରୁ ଓହରିଲା ସଂପୂର୍ଣ୍ଣ ଇଂଲଣ୍ଡ ବ୍ୟାଡ୍‌ମିଣ୍ଟନ ଟିମ । ଦେଶର ଡବଲ୍ସ ସ୍ପେଶାଲିଷ୍ଟ ସିନ ଭେଣ୍ଡି ଓ କୋଚ୍‌ ନାଥନ ରୋବର୍ଟସନ COVID-19 ପଜିଟିଭ ଚିହ୍ନଟ ହେବାପରେ ଟୁର୍ନାମେଣ୍ଟରୁ ଓହରିଯାଇଛି ଇଂଲିସ ଟିମ ।

ଟୁର୍ନାମେଣ୍ଟରୁ ଇଂଲଣ୍ଡର ଓହରିଯିବା ନିଷ୍ପତ୍ତି ରବିବାର ଭାରତୀୟ ବ୍ୟାଡମିଣ୍ଟନ ସଂଘ(BAI) ଘୋଷଣା କରିଛି । ତେବେ ଟିମ ହୋଟେଲରେ ରବିବାର ସକାଳେ ହୋଇଥିବା COVID ଟେଷ୍ଟରେ ସମସ୍ତ ଖେଳାଳିଙ୍କ ରିପୋର୍ଟ ନେଗେଟିଭ ରହିଛି ।

ଇଣ୍ଡିଆ ଓପନ ୨୦୨୨ ଟୁର୍ନାମେଣ୍ଟ ଜାନୁଆରୀ ୧୧ରୁ ୧୧ ପର୍ଯ୍ୟନ୍ତ ନୂଆଦିଲ୍ଲୀରେ ଖେଳାୟିବା ନେଇ ସୂଚୀ ରହିଛି । ତେବେ ଦେଶରେ COVID-19 ଦୈନିକ ସଂକ୍ରମଣ ସଂଖ୍ୟା ବୃଦ୍ଧି ଚିନ୍ତାର କାରଣ ହୋଇଛି । ଭାରତୀୟ ବ୍ୟାଡମିଣ୍ଟନ ସଂଘ ଦ୍ବାରା ଆୟୋଜିତ ହେବାକୁ ଥିବା ଏହି USD ୪୦୦,୦୦୦ ସୁପର ୫୦୦ ଇଭେଣ୍ଟରୁ ୨୦୨୨ BWF ୱାର୍ଲ୍ଡ ଟୁର୍‌ ସିଜିନ ଆରମ୍ଭ ହେବ ।

PTI