ନୂଆଦିଲ୍ଲୀ: ଅଲମ୍ପିକ ଯୋଗ୍ୟତା ପର୍ଯ୍ୟାୟକୁ ଦୃଷ୍ଟିରେ ରଖି ସୋମବାର ଭାରତୀୟ ବ୍ୟାଡମିଣ୍ଟନ ଆସୋସିଏସନ ପକ୍ଷରୁ 8 ଜଣିଆ ଶକ୍ତିଶାଳୀ ଟିମ ଘୋଷଣା କରିଛି । ଏହି ଟିମ ଥାଇଲାଣ୍ଡ ଓ ବ୍ୟାଙ୍ଗକକରେ ହେବାକୁ ଥିବା ଆଗାମୀ 3ଟି ଟୁର୍ଣ୍ଣାମେଣ୍ଟରେ ଭାଗ ନେବେ ।
ଏହି ଟିମରେ ଅଲମ୍ପିକରେ ଅଂଶଗ୍ରହଣ ଆଶା ଥିବା ପିଭି ସିନ୍ଧୁ, ସାଇନା ନେହୱାଲ, ବି ସାଇ ପ୍ରଣୀତ, କିଦାମ୍ବି ଶ୍ରୀକାନ୍ତ, ସାତ୍ତ୍ବିକ ସାଇରାଜ ରେଙ୍କିରେଡ୍ଡି, ଚିରାଗ ସେଟ୍ଟି, ଅଶ୍ବିନି ବୋପାନ୍ନା, ଓ ଏ ସିକି ରେଡ୍ଡି ଜାନୁଆରା 12-17ରେ ହେବାକୁ ଥିବା ଥାଇଲାଣ୍ଡ ଓପନରେ ଅଭିଯାନ ଆରମ୍ଭ କରିବେ । ପରେ ଜାନୁଆରୀ 19-24 ପର୍ଯ୍ୟନ୍ତ ଥାଇଲାଣ୍ଡ ଓପନରେ ଭାଗନେବେ । ସେହିପରି ଜାନୁଆରୀ 27ରୁ 31 ପର୍ଯ୍ୟନ୍ତ ହେବାକୁ ଥିବା BWF ବିଶ୍ବ ଟୁର ଫାଇନାଲରେ ଅଂଶଗ୍ରହଣ କରିବେ ।