କ୍ବାଲାଲାମପୁର: ବିଶ୍ବ ବ୍ୟାଡମିଣ୍ଟନ ଫେଡେରେସନ ମଙ୍ଗଳବାର ଥୋମାସ ଓ ଉବର କପକୁ ସ୍ଥଗିତ ରଖିବା ନେଇ ନିଷ୍ପତ୍ତି ନେଇଛି । ଡେନମାର୍କର ଆରହସ ଠାରେ ଅକ୍ଟୋବର 3-11 ତାରିଖ ପାର୍ଯ୍ୟନ୍ତ ଥୋମାସ ଓ ଉବର କପ ଅନୁଷ୍ଠିତ ହେବା ନେଇ ପୂର୍ବରୁ ଧାର୍ଯ୍ୟ ହୋଇଥିଲା । କିନ୍ତୁ ଆୟୋଜକ ଡେନମାର୍କ ସହ ଆଲୋଚନା କରିବା ପରେ ଟୁର୍ଣ୍ଣାମେଣ୍ଟକୁ ଘୁଞ୍ଚାଇବାକୁ ପଦକ୍ଷେପ ନିଆଯାଇଛି ।
ଗତ କିଛି ଦିନରେ ଅନେକ ଟିମ ମଧ୍ୟ ସ୍ବାସ୍ଥ୍ୟଗତ କାରଣ ଦର୍ଶାଇ ଟୁର୍ଣ୍ଣାମେଣ୍ଟରୁ ନିଜର ନାମ ପ୍ରତ୍ୟାହୃତ କରିଛନ୍ତି । ତେଣୁ ଟୁର୍ଣ୍ଣାମେଣ୍ଟକୁ ସ୍ଥଗିତ ରଖିବାରେ ଏହା ମଧ୍ୟ ଏକ ମୁଖ୍ୟ କାରଣ ।
ବିଶ୍ବ ବ୍ୟାଡମିଣ୍ଟନ ଫେଡେରେସନ ଏକ ପ୍ରେସ ବିଜ୍ଞପ୍ତିରେ କହିଛି ଯେ, ‘‘ସ୍ବାସ୍ଥ୍ୟଗତ କାରଣ ଦର୍ଶାଇ ଅନେକ ଟିମ ବିଡବ୍ଲ୍ୟୁଏଫ ଥୋମାସ ଆଣ୍ଡ ଉବର କପ ସହ ଏଚଏସବିସି ବିଡବ୍ଲ୍ୟୁଏଫ ୱାର୍ଲଡ ଟୁରରୁ ନିଜ ନିଜ ନାମ ପ୍ରତ୍ୟାହୃତ କରିଛନ୍ତି । ଯାହା କାରଣରୁ ଏହି ନିଷ୍ପତ୍ତି ନିଆଯାଇଛି ।