ବାଲି(ଇଣ୍ଡୋନେସିଆ):ଚଳିତ ଇଣ୍ଡୋନେସିଆ ମାଷ୍ଟର୍ସ (Indonesia Masters) ବ୍ୟାଡ୍ମିଣ୍ଟନ ଟୁର୍ଣ୍ଣାମେଣ୍ଟରେ ଭାରତୀୟ ଷ୍ଟାର ସର୍ଟଲର ପିଭି ସିନ୍ଧୁ(PV Sindhu)ଙ୍କ ଦମଦାର ପ୍ରଦର୍ଶନ ଜାରି । ଗୁରୁବାର ସ୍ପେନର କ୍ଳାରା ଆଜୁରମେନ୍ଦିଙ୍କୁ ହରାଇ ମହିଳା ଏକକ ବର୍ଗର କ୍ବାର୍ଟର-ଫାଇନାଲରେ ପ୍ରବେଶ କରିଛନ୍ତି ସିନ୍ଧୁ ।
୨୬ ବର୍ଷୀୟ ଦୁଇଥରର ଅଲମ୍ପିକ ପଦକ ବିଜେତା ଓ ବିଶ୍ବ ଚମ୍ପିଆନ ସିନ୍ଧୁ, ୧୭-୨୧ରେ ସ୍ପେନ ପ୍ରତିପକ୍ଷଙ୍କ ଠାରୁ ପ୍ରଥମ ସେଟ୍ରେ ପରାସ୍ତ ହୋଇଥିଲେ । ମାତ୍ର ପରବର୍ତ୍ତୀ ଦୁଇଟି ସେଟ୍କୁ ୨୧-୧୭ ଓ ୨୧-୧୨ ସେଟ୍ରେ ଜିତିନେବା ସହ କ୍ଳାରା ଆଜୁରମେନ୍ଦିଙ୍କୁ ମାତ୍ ଦେଇ ପରବର୍ତ୍ତୀ ରାଉଣ୍ଡରେ ପ୍ରବେଶ କରିଛନ୍ତି । BWF ୱାର୍ଲ୍ଡ ଟୁର୍ ସୁପର ୭୫୦ ଇଭେଣ୍ଟର ଏହି ମ୍ୟାଚ୍ ୪୭ ମିନିଟ ଧରି ଖେଳାଯାଇଥିଲା ।