ଚେନ୍ନାଇ: ତାମିଲନାଡୁର ରାମନାଥପୁରମରେ ରହୁଥିବା ଜଣେ 70 ବର୍ଷୀୟ ବୃଦ୍ଧ ପହଁଞ୍ଚିଥିଲେ ଜିଲ୍ଲାପାଳଙ୍କ ପାଖରେ ଆଉ କରିଥିଲେ ଏକ ଅଜବ ଇଚ୍ଛା ପ୍ରକଟ । ଜିଲ୍ଲାପାଳଙ୍କୁ ଯାଇ କହିଥିଲେ ସେ ଷ୍ଟାର ସଟଲର ପିଭି ସିନ୍ଧୁଙ୍କୁ ବିବାହ କରିବାକୁ ଚାହୁଁଛନ୍ତି । ତେବେ ସେ ଆହୁରି ମଧ୍ୟ କହିଥିଲେ ଯେ ଯଦି ଜିଲ୍ଲାପାଲ ବିବାହ ଆୟୋଜନ ନକରାନ୍ତି ତେବେ ସେ ସିନ୍ଧୁଙ୍କୁ ଅପହରଣ କରି ତାଙ୍କ ସହ ବିବାହ କରିବେ ।
ଏହି ଘଟଣା ଥିଲା ସାପ୍ତାହିକ ଜନଶୁଣାଣି ସମୟର । ଯେଉଁଥିରେ ଜିଲ୍ଲାପାଳ ନିଜ କାର୍ଯ୍ୟାଲୟରେ ଲୋକଙ୍କ ଅଭିଯୋଗର ଶୁଣାଣି କରିଥାନ୍ତି । ଏହି ସମୟରେ 70 ବର୍ଷୀୟ ମଲୟସାମି ଜିଲ୍ଲାପାଳଙ୍କ କାର୍ଯ୍ୟାଳୟରେ ନିଜର ଅଭିଯୋଗ ନେଇ ପହଁଞ୍ଚିଥିଲେ । ନିଜ ଫଟୋ ସହ ସିନ୍ଧୁଙ୍କ ଫଟୋ ଦେଇ ସେ ଏପରି ଅଜବ ଆବେଦନ କରିଥିଲେ ।