ନାଇଟ କର୍ଫ୍ୟୁ ନିୟମ ଉଲଙ୍ଘନ କଲେ ଅକ୍ଷରା ସିଂ

ଭୋଜପୁରୀ ଇଣ୍ଡଷ୍ଟ୍ରିର ଅଭିନେତ୍ରୀ ତଥା ଗାୟିକା ଅକ୍ଷରା ସିଂ ବିହାରରେ ଲାଗୁ ହୋଇଥିବା ଲକଡାଉନ ନିୟମ ଉଲଙ୍ଘନ କରିଛନ୍ତି । ତାଙ୍କ ବିରୋଧରେ ବିହାର ପୋଲିସ ମାମଲା ରୁଜ୍ଜୁ କରିଛି । ଅଧିକ ପଢନ୍ତୁ...

ନୂଆଦିଲ୍ଲୀ: ଭାରତରେ କୋରୋନାର ଦ୍ବିତୀୟ ଲହର ଦ୍ରୁତ ଗତିରେ ଲୋକଙ୍କୁ ସଂକ୍ରମିତ କରୁଛି । ଯାହାକୁ ନେଇ ବିଭିନ୍ନ ରାଜ୍ୟରେ ଲକଡାଉନ, ନାଇଟ କର୍ଫ୍ୟୁ ଲାଗୁ ହୋଇଛି ।

ଏଭଳି ପରିସ୍ଥିତିରେ ସାଧାରଣ ଲୋକଙ୍କ ସମେତ କିଛି ସେଲିବ୍ରିଟି ମଧ୍ୟ ଲକଡାଉନ ନିୟମ ଉଲଙ୍ଘନ କରୁଛନ୍ତି । ଭୋଜପୁରୀ ଇଣ୍ଡଷ୍ଟ୍ରିର ଅଭିନେତ୍ରୀ ତଥା ଗାୟିକା ଅକ୍ଷରା ସିଂ ବିହାରରେ ଲାଗୁ ହୋଇଥିବା ଲକଡାଉନ ନିୟମ ଉଲଙ୍ଘନ କରିଛନ୍ତି । ତାଙ୍କ ବିରୋଧରେ ବିହାର ପୋଲିସ ମାମଲା ରୁଜ୍ଜୁ କରିଛି ।

ଏବେ ଅକ୍ଷରାଙ୍କ ଏକ ଭିଡିଓ ସୋସିଆଲ ମିଡ଼ିଆରେ ଭାଇରାଲ ହେଉଛି । ଏହି ଭାଇରାଲ ଭିଡିଓ ଲାଲଗଞ୍ଜ ପୂର୍ବତନ ବିଧାୟକ ମୁନ୍ନା ଶୁକ୍ଲାଙ୍କର ଏକ ପାର୍ଟିର। ଭିଡିଓରେ ଅକ୍ଷରା ଷ୍ଟେଜରେ ଗୀତ ଗାଉଛନ୍ତି ଓ ଡ୍ୟାନ୍ସ କରୁଛନ୍ତି।

ଏଥିସହିତ ଶହ ଶହ ଲୋକ ବିନା ମାସ୍କରେ ଡ୍ୟାନ୍ସ କରୁଥିବା ନଜର ଆସିଛନ୍ତି।

ପ୍ରକାଶ ଥାଉ ଯେ, ଏହି ମାମଲାରେ ଅକ୍ଷରାଙ୍କ ସମେତ ୨୦୦ ଜଣଙ୍କ ବିରୋଧରେ ମାମଲା ରୁଜ୍ଜୁ ହୋଇଛି।