କାର୍ତ୍ତିକଙ୍କ ଦିୱାନୀ ସେହନାଜ, ଖୋଲିଲେ ରାଜ୍

ରିୟାଲିଟି ଶୋ ବିଗ ବସ ହାଉସରୁ ଶନିବାର ଆଉଟ ହୋଇସାରିଛନ୍ତି ମଧୁରୀମା ତୁଲି । ଇତିମଧ୍ୟରେ ସେହନାଜ ଗିଲଙ୍କୁ ନେଇ ମଜାଦାର କଥା ଶୁଣିବାକୁ ମିଳୁଛି । ଏହି କଥାର ଖୁଲାସା ସେ ନିଜେ କରିଛନ୍ତି । କାର୍ତ୍ତିକଙ୍କ ପ୍ରେମରେ ପାଗଳ ବୋଲି ଜଣାଇଲେ ସମସ୍ତଙ୍କୁ ।

ମୁମ୍ବାଇ: ପଞ୍ଜାବର କ୍ୟାଟ୍ରିନା କୈଫ ସେହନାଜ ଗିଲ ବିଗ ବସ ସିଜନ 13ର ଦମଦାର ପ୍ରତିଯୋଗୀଙ୍କ ମଧ୍ୟରେ ଅନ୍ୟତମ । ସେହନାଜଙ୍କ ଚୁଲବୁଲି ଅନ୍ଦାଜ ପାଇଁ ତାଙ୍କୁ ଦର୍ଶକ ଖୁବ୍ ପସନ୍ଦ କରୁଛନ୍ତି । ହେଲେ ଦର୍ଶକଙ୍କୁ ଏହା ଜଣାନାହିଁ ଯେ ସେହନାଜ ବଲିଉଡର କ୍ୟୁଟ ଆକ୍ଟର କାର୍ତ୍ତିକ ଆର୍ୟନଙ୍କ ଜବରା ଫ୍ୟାନ ବୋଲି । ଗତ ‘ୱିକେଣ୍ଡ କା ୱାର’ ଏପିସୋଡରେ ସେହନାଜ, କାର୍ତ୍ତିକଙ୍କ ପାଇଁ ନିଜ ପାଗଳାମୀ ପ୍ରକାଶ କରିଥିଲେ ।

ସେ ଖୁଲାସା କରିଥିଲେ ଯେ କାର୍ତ୍ତିକଙ୍କୁ ସେ ଦୀର୍ଘ ସମୟରୁ ଫଲୋ କରିଆସୁଛନ୍ତି । ସେ କାର୍ତ୍ତିକଙ୍କୁ ନିଜ ଫଟୋ ଓ ଅନେକ ମେସେଜ ମଧ୍ୟ ପଠାଇଛନ୍ତି । ସେ କାର୍ତ୍ତିକଙ୍କ ବଡ ଫ୍ୟାନ । ଆଉ ସେ କେବଳ କାର୍ତ୍ତିକଙ୍କୁ ହିଁ ଆଇ ଲଭ ୟୁ କହିଛନ୍ତି । ସେ ଅନେକ ଲୋକଙ୍କୁ ଫଲୋ କରି ଅନଫଲୋ କରିସାରିଛନ୍ତି । ହେଲେ କାର୍ତ୍ତିକକୁ ସେ କେବେ ଅନଫଲୋ କରିବେ ନାହିଁ । ଆଉ ଜୀବନସାରା ତାଙ୍କୁ ଫଲୋ କରୁଥିବେ । ତାଙ୍କ ମନରେ ପ୍ରେମ କାର୍ତ୍ତିକଙ୍କ ଡେବ୍ୟୁ ଫିଲ୍ମ ‘ପ୍ୟାର କା ପଞ୍ଚନାମ’ରୁ ହିଁ ସୃଷ୍ଟି ହୋଇଥିଲା । ଯାହାପରଠୁ ସେ ତାଙ୍କୁ ଫଲୋ କରିଆସୁଛନ୍ତି ।

ପ୍ରକାଶ ଥାଉକି ଶନିବାର ‘ୱିକେଣ୍ଡ କା ୱାର’ରେ ମଧୁରିମା ତୁଲୀ ବିଗ ବସ ହାଉସରୁ ଆଉଟ ହୋଇଯାଇଛନ୍ତି । ସେ ଏକ୍ସ ବୟଫ୍ରେଣ୍ଡ ବିଶାଲ ଆଦିତ୍ୟ ସିଂଙ୍କ ସହ ହିଂସା କରିବା ପରେ ସଲମାନ ଆକ୍ସନ ମୁଡରେ ଆସି ତାଙ୍କୁ ବିଗ ବସ ହାଉସରୁ ବାହାର କରିଦେଇଛନ୍ତି ।