ନୂଆଦିଲ୍ଲୀ: ଟେଲିଭିଜନ ଅଭିନେତା ତଥା ଇଣ୍ଡଷ୍ଟ୍ରିର ଜଣାଶୁଣା କଳାକାର ଆଶିଷ ରାୟଙ୍କ ୫୫ ବର୍ଷ ବୟସରେ ଦେହାନ୍ତ ହୋଇଛି । ସେ ‘ସସୁରାଲ ସିମର କା’, ‘ବନେଗୀ ଅପନି ବାତ’,‘ୟେସ ବସ’, ‘କୁଛ ରଙ୍ଗ ପ୍ୟାର କେ ଐସେ ଭି’ ଓ ‘ଜିନି ଅର ଜୁଜୁ’ ଭଳି ଅନେକ ଟିଭି ଶୋ ରେ ଅଭିନୟ କରିଥିଲେ ।
ସସୁରାଲ ସିମର ଫେମ ଅଭିନେତା ଆଶିଷ ଦୀର୍ଘ ସମୟ ଧରି ଅସୁସ୍ଥ ଥିଲେ । କିଡନୀ ଫେଲ ଯୋଗୁଁ ତାଙ୍କର ନିଧନ ହୋଇଥିବା ଜଣାପଡିଛି । ଏହି ରୋଗର ଚିକିତ୍ସା ପାଇଁ ତାଙ୍କ ପାଖରେ ପର୍ଯ୍ୟାପ୍ତ ଅର୍ଥ ନଥିଲା । ସେ ସୋସିଆଲ ମିଡିଆ ଜରିଆରେ ଲୋକଙ୍କୁ ସାହାଯ୍ୟ ମଧ୍ୟ ମାଗିଥିଲେ ।
ମେ ମାସରେ ଆଶିଷ ଫେସବୁକରେ ଦୁଇଟି ପୋଷ୍ଟରେ ଲେଖିଥିଲେ, "ମୁଁ ଆଇସିୟୁରେ ଅଛି । ଡାଏଲିସିସ୍ ପାଇଁ ତୁମମାନଙ୍କ ଟଙ୍କା ଜରୁରୀ । ଏହା ପରେ ଚଳଚ୍ଚିତ୍ର ନିର୍ମାତା ହଂନସଲ ମେହେତା ଟୁଇଟର ଜରିଆରେ ଅଭିନେତାଙ୍କ ପାଇଁ ଫିଲ୍ମ ଆସୋସିଏସନରୁ ସାହାଯ୍ୟ ଲୋଡ଼ିଥିଲେ ।