ନୂଆଦିଲ୍ଲୀ: କୋରୋନାରେ ହଜାର ହଜାର ଲୋକ ପ୍ରାଣ ହରାଉଛନ୍ତି । ଏବେ ପୁଣି ଆଉ ଏକ ନୈରାଶ୍ୟଜନକ ଖବର ସାମ୍ନାକୁ ଆସିଛି । ଅଭିନେତ୍ରୀ ତଥା ଡ୍ୟାନ୍ସର ସମ୍ଭାବନା ସେଠଙ୍କ ପିତାଙ୍କ କୋରୋନାରେ ମୃତ୍ୟୁ ଘଟିଛି ।
ସମ୍ଭାବନାଙ୍କ ସ୍ବାମୀ ଅବିନାଶ ଦ୍ବିବେଦୀ ସୋସିଆଲ ମିଡିଆରେ ଏହି ଖବରକୁ ନିଶ୍ଚିତ କରିଛନ୍ତି ।
ସମ୍ଭାବନାଙ୍କ ପିତା କୋରୋନାରେ ଆକ୍ରାନ୍ତ ହେବା ସହ ତାଙ୍କର ହାର୍ଟଆଟାକ ମଧ୍ୟ ହୋଇଥିଲା ।
ଅବିନାଶ ଇନଷ୍ଟାଗ୍ରାମରେ ପୋଷ୍ଟ ସେୟାର କରି ଲେଖିଛନ୍ତି, ଆଜି 5:37pmରେ ସମ୍ଭାବନା ସେଠଙ୍କ ପିତା ଶେଷ ନିଶ୍ବାସ ତ୍ୟାଗ କରିଛନ୍ତି । ଭଗବାନ ତାଙ୍କ ଆତ୍ମାକୁ ଶାନ୍ତି ଦିଅନ୍ତୁ।
ପ୍ରକାଶ ଥାଉ ଯେ, ସମ୍ଭାବନା ସେଠଙ୍କ ପିତା ଗତ କିଛିଦିନ ତଳେ କୋରୋନାରେ ଆକ୍ରାନ୍ତ ହୋଇ ହସ୍ପିଟାଲରେ ଭର୍ତ୍ତି ହୋଇଥିଲେ ।
