ମୁମ୍ବାଇ: କଲର୍ସ ଚ୍ୟାନେଲର ପପୁଲାର ରିୟାଲିଟି ଶୋ ‘ଖତରୋଂ କେ ଖିଲାଡି 10’ ଫିନାଲେକୁ ଆଉ କିଛି ଦିନ ବାକି ଅଛି। ଯାହାକୁ ନେଇ ଏକ୍ସାଇଟେଡ ଦର୍ଶକ। ସେମି ଫିନାଲେରେ 4 ପ୍ରତିଯୋଗୀ ପହଞ୍ଚିସାରିଲେଣି । ଏହି କ୍ରମରେ ସାମିଲ ଅଛନ୍ତି ବଲରାଜ, କରନ ପଟେଲ, କରିସ୍ମା ତନ୍ନା ଓ ଧର୍ମେଶ । ହେଲେ ଇତିମଧ୍ୟରେ ଦର୍ଶକଙ୍କ ପାଇଁ ନୈରାଶ୍ୟଜନକ ଖବର ସାମ୍ନାକୁ ଆସିଛି । କଥାଟି ହେଲା ଯେ ସେମି ଫିନାଲେ ପର୍ଯ୍ୟନ୍ତ ଆସି ଦୁଇ ପ୍ରତିଯୋଗୀ ଶୋକୁ ଅଲବିଦା କହିଛନ୍ତି।
‘ଖତରୋଂ କେ ଖିଲାଡି’ରୁ ଆଉଟ ହେଲେ 2 ପ୍ରତିଯୋଗୀ - ‘ଖତରୋଂ କେ ଖିଲାଡି’କୁ ଅଲବିଦା କହିଲେ ଦୁଇ ପ୍ରତିଯୋଗୀ
ସେମି ଫିନାଲେ ପର୍ଯ୍ୟନ୍ତ ଆସି ଆକ୍ସନ ଶୋ ‘ଖତରୋଂ କେ ଖିଲାଡି’କୁ ଅଲବିଦା କହିଲେ ଦୁଇ ପ୍ରତିଯୋଗୀ।
ଫଟୋ ସୌଜନ୍ୟ: ଇନଷ୍ଟାଗ୍ରାମ@ରୋହିତ ସେଟ୍ଟୀ
ଗୋଟିଏ ପଟୋ ଶିବିନ ନାରଙ୍ଗ ଶୋରୁ ଏଲିମିନେଟ ହୋଇଥିବାବେଳେ ତେଜସ୍ବୀ ପ୍ରକାଶ ଶୋ ଛାଡି ଦେଇଛନ୍ତି । କରନଙ୍କ ସହ ଶିବିନଙ୍କ କଡା ଟକ୍କର ଥିଲା । ଯେଉଁଥିରେ କରନ ତାଙ୍କୁ ହରାଇ ଜିତିଯାଇଥିଲେ । ଯାହାଦ୍ବାରା ଶିବିନଙ୍କୁ ଏଲିମିନେଟ କରାଯାଇଥିଲେ ।
ସେହିପରି ତେଜସ୍ବୀ ନିଜେ ଶୋ ଛାଡି ଦେଇଛନ୍ତି । କାରଣ ପାଣିରେ ହୋଇଥିବା ଏକ ଷ୍ଟଣ୍ଟ ପାଇଁ ତାଙ୍କ ଆଖିରେ ଆଘାତ ଲାଗିଥିଲା । ସେହି ସମୟଠୁ ସେ ଅସୁସ୍ଥ ଅନୁଭବ କରିଆସୁଥିଲେ। ଏହାପରେ ବି ସେ ଦୁଇଟି ଷ୍ଟଣ୍ଟ କରିଥିଲେ । ହେଲେ ସେମି ଫିନାଲେ ପାଇଁ ଯେଉଁ ଷ୍ଟଣ୍ଟ କରିବାର ଥିଲା ତାହା ସେ ଅସୁସ୍ଥତା ପାଇଁ କରିପାରିନଥିଲେ। ଏଥି ନିମନ୍ତେ ସେ ଶୋ ଛାଡି ଦେବାର ନିଷ୍ପତ୍ତି ନେଇଥିଲେ।