ମୁମ୍ବାଇ: ‘ବିଗବସ’ ଘରେ ପ୍ରାୟତଃ ବନ୍ଧୁତାକୁ ଶତ୍ରୁତାରେ ପରିଣତ କରୁଥିବା ଦେଖାଯାଏ । ଗତ ସିଜନ ମଧ୍ୟ ସିଦ୍ଧାର୍ଥ ଶୁକ୍ଲା ଏବଂ ଅସୀମ ରିଆଜ ଆରମ୍ଭରେ ପରସ୍ପରର ବହୁତ ଭଲ ବନ୍ଧୁ ଥିଲେ । ହେଲେ ଶୋ ଏପିସୋଡ ବଢିବା ସହିତ ଦୁଇଜଣଙ୍କ ମଧ୍ୟରେ ଦେଖିବାକୁ ମିଳିଥିଲା ଶତ୍ରୁତା । ସେହିପରି ଏଥର ସିଜନରେ ମଧ୍ୟ ଏମିତି କିଛି ଘଟଣା ଘଟିଛି । ନିକଟରେ ବିଗବସ ହାଉସରୁ ଆଉଟ ହୋଇଥିବା ରାହୁଲ ମହାଜନ ଓ ଡ୍ରାମା କୁଇନ ରାକ୍ଷୀ ସାୱନ୍ତଙ୍କ ମଧ୍ୟରେ ଭୟଙ୍କର ଝଗଡା ଦେଖି ସମସ୍ତେ ଆଶ୍ଚର୍ଯ୍ୟ । ହେଲେ ଏହି ଝଗଡାରେ ରାହୁଲଙ୍କ ଦ୍ବାରା ରାକ୍ଷୀଙ୍କୁ ଦିଆଯାଇଥିବା ଗାଳି ଦର୍ଶକଙ୍କୁ ପସନ୍ଦ ଆସିନାହିଁ । ଯାହାକୁ ଆଧାର କରି ରାହୁଲଙ୍କୁ ସୋସିଆଲ ମିଡିଆରେ ଟ୍ରୋଲ କରାଯାଉଛି ।
କଥାଟି ହେଲା ଯେ ବିଗବସ ହାଉସରେ ଏହି ଯୋଡିଙ୍କ ଖୁବ୍ ଝଗଡା ହୋଇଥିଲା । ଏହି ଝଗଡା ମଧ୍ୟରେ ରାକ୍ଷୀଙ୍କୁ ରାହୁଲ ଫାଲତୁ ସେଲିବ୍ରିଟି କହିଥିଲେ । ତାଙ୍କ ଏପରି ବୟାନରେ ଅସନ୍ତୋଷ ପ୍ରକାଶ କରିଛନ୍ତି ସମସ୍ତେ । ୟଜର୍ସ କମେଣ୍ଟ କରି ରାହୁଲଙ୍କ ଉପରେ ଫାଲତୁ କହିବାରେ ଲାଗିଛନ୍ତି ।