ନୂଆଦିଲ୍ଲୀ: ରିୟାଲିଟି ଶୋ ‘ବିଗବସ ସିଜନ 13’ର ପ୍ରତିଯୋଗୀ ରୂପେ ନଜର ଆସିଥିବା ମାହିରା ଶର୍ମା ଏବଂ ପାରସ ଛାବ୍ରାଙ୍କୁ ଏବେ ଏକ ନୂଆ ମ୍ୟୁଜିକ୍ ଭିଡିଓରେ ଏକାଠି ଦେଖିବାକୁ ମିଳିଛି । ଏହି ମ୍ୟୁଜିକ୍ ଭିଡିଓର ନାଁ ହେଉଛି 'ରଙ୍ଗ ଲଗାୟା' ।
ବର୍ତ୍ତମାନ ମାହିରା ଏବଂ ପାରସଙ୍କ ନୂଆ ମ୍ୟୁଜିକ୍ ଭିଡିଓ 'ରଙ୍ଗ ଲଗାୟା' ରିଲିଜ୍ ହୋଇଯାଇଛି ।
ଉଭୟେ ଏହି ଗୀତଟିକୁ ସୋସିଆଲ ମିଡିଆରେ ପ୍ରଶଂସକଙ୍କ ସହ ସେୟାର କରିଛନ୍ତି । ଚଳିତ ବର୍ଷ ଜାନୁଆରୀରେ ସେମାନେ ଏହି ମ୍ୟୁଜିକ୍ ଭିଡିଓରେ ଏକାଠି କାମ କରିବାକୁ ଘୋଷଣା କରିଥିଲେ ।
ଏହି ଗୀତକୁ ରୋଚକ କୋହଲି ଏବଂ ମୋହିତ ଚୌହାନ ଗାଇଥିବାବେଳେ ଏହି ଗୀତର ଲିରିକ୍ସ କୁମାର ଲେଖିଛନ୍ତି ।
ପ୍ରକାଶ ଥାଉ ଯେ, ଏହି ଗୀତରେ ପାରସ ଏବଂ ମାହିରାଙ୍କ ଜବରଦସ୍ତ କେମେଷ୍ଟ୍ରି ଦେଖିବାକୁ ମିଳିଛି ।