ସୁପରମ୍ୟାନ ‘ଥର’ଙ୍କୁ ଟକ୍କର ଦେଉଛନ୍ତି ବଲିଉଡ ଷ୍ଟାର !

ଆଭେଞ୍ଜର ଡିରେକ୍ଟର ରୁସୋ ବ୍ରଦର୍ସଙ୍କ ପ୍ରଯୋଜନାରେ ‘ଏକ୍ସଟ୍ରାକସନ’ ଫିଲ୍ମର ସୁଟିଂ ହୋଇଛି । ଏହାର ଅଧିକାଂଶ ସୁଟିଂ ଭାରତରେ ହିଁ ହୋଇଛି । ଅଧିକ ପଢନ୍ତୁ...

ମୁମ୍ବାଇ: ଏପ୍ରିଲ 24ରେ ରିଲିଜ ହୋଇଛି ନେଟଫ୍ଲିକ୍ସର ଥ୍ରିଲର ସିରିଜ ‘ଏକ୍ସଟ୍ରାକସନ’ । ଏଥିରେ ହଲିଉଡର ଥର କ୍ରିସ ହେମ୍ସୱର୍ଥ ଲିଡ ରୋଲରେ ଅଛନ୍ତି । ତାଙ୍କ ସହ ବଲିଉଡର ଟାଲେଣ୍ଟେଡ ଆକ୍ଟର ରଣଦୀପ ହୁଡା ଓ ପଙ୍କଜ ତ୍ରିପାଠୀ ମଧ୍ୟ ଆକ୍ଟିଂ କରିଛନ୍ତି ।

ତେବେ ନିଜ ଫ୍ୟାନ୍ସଙ୍କୁ ଏହି ଅବସରରେ ରଣଦୀପ ଏକ ଭିଡିଓ ଭେଟି ଦେଇଛନ୍ତି । ଏଥିରେ ସେ ଓ କ୍ରିସ ଏକ ଆକ୍ସନ ସିନ ରିହରସେଲ କରୁଥିବା ନଜର ଆସିଛନ୍ତି । ଉଭୟ ଆକ୍ସନ ମୁଡରେ ପରସ୍ପରକୁ ଚାହିଁଛନ୍ତି ଏବଂ ନିର୍ଦ୍ଦେଶ ମିଳିବା ମାତ୍ରେ ଫାଇଟିଂ କରୁଛନ୍ତି । ଉଭୟେ ହାତରେ ଛୁରୀ ଧରିଥିବାର ଦେଖାଯାଉଛି । ପ୍ରଥମେ ଏହାକୁ ଫିଲ୍ମ ଡିରେକ୍ଟର ସାମ ସେୟାର କରିଥିଲେ । ପରେ ରଣଦୀପ ଟ୍ବିଟରରେ ରିପୋଷ୍ଟ କରିଥିଲେ । ଉଭୟ ଏଥିରେ ଏକଦମ ହାଇ ଏନର୍ଜିରେ ଫାଇଟିଂ କରୁଥିବା ଦେଖାଯାଇଛି । ଉଭୟଙ୍କ ଆକ୍ଟିଂ ଓ ଆକ୍ସନକୁ ପ୍ରଶଂସା କରିଛନ୍ତି ସାମ ।

ଆଭେଞ୍ଜର ଡିରେକ୍ଟର ରୁସୋ ବ୍ରଦର୍ସଙ୍କ ପ୍ରଯୋଜନାରେ ଏହି ଫିଲ୍ମ ସୁଟିଂ ହୋଇଛି । ଏହାର ଅଧିକାଂଶ ସୁଟିଂ ଭାରତରେ ହିଁ ହୋଇଛି । ଏହି ଆକ୍ସନ ଥ୍ରିଲର ଦ୍ବାରା ରଣଦୀପ ଅନଲାଇନ ଷ୍ଟ୍ରିମିଂରେ ଡେବ୍ୟୁ କରିଛନ୍ତି । ଫିଲ୍ମକୁ ଦର୍ଶକଙ୍କର ଖୁବ ପ୍ରଶଂସା ମିଳୁଛି ।