ନୂଆଦିଲ୍ଲୀ: ରିୟାଲିଟି ଶୋ ‘ବିଗବସ ସିଜନ 14’ର ଫାଷ୍ଟ ରନର୍ସ ଅପ୍ ରାହୁଲ ବୈଦ ବର୍ତ୍ତମାନ ଚର୍ଚ୍ଚାରେ । ବିଗବସ ହାଉସରେ ସେ ଖେଳିଥିଲେ ଜବରଦସ୍ତ ଖେଳ । ଏହାବ୍ୟତୀତ ସେ ତାଙ୍କ ଲଭ ଲାଇଫକୁ ନେଇ ବେଶ ଚର୍ଚ୍ଚାରେ ।
ରାହୁଲ ଅଭିନେତ୍ରୀ ଦିଶା ପରମାରଙ୍କୁ ଡେଟ କରୁଛନ୍ତି। ଶୋ’ରେ ରାହୁଲ ଏବଂ ଦିଶାଙ୍କ ନାମ ମଧ୍ୟ ବହୁତ ଚର୍ଚ୍ଚାରେ ଥିଲା।
ଏହି ସମୟରେ, ସୋ ଶେଷ ହେବା ପରେ ମଧ୍ୟ ଦୁହେଁ ବହୁ ଚର୍ଚ୍ଚାରେ ରହିଛନ୍ତି । ପ୍ରାୟତଃ ଦୁହେଁ ଏକାଠି ନଜର ଆସିଥାନ୍ତି ।
ଏଥିସହିତ ଏବେ ଦିଶାଙ୍କ କିଛି ଫଟୋ ସୋସିଆଲ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି। ଏହି ଫଟୋଗୁଡ଼ିକରେ ସେ ତାଙ୍କ ହାତରେ ମେହେନ୍ଦୀ ଲଗାଇଥିବାର ନଜର ଆସିଛନ୍ତି । କିନ୍ତୁ ବିଶେଷ କଥା ହେଉଛି ଦିଶା ତାଙ୍କ ପାପୁଲିରେ ମେହେନ୍ଦୀରେ ରାହୁଲଙ୍କ ନାଁ ଲେଖିଥିବାର ଦେଖିବାକୁ ମିଳିଛି ।
ଏହି ଫଟୋରେ ଆପଣ ଦେଖିପାରିବେ ଯେ ଦିଶାଙ୍କ ପାପୁଲିରେ 'R' ଲେଖାହୋଇଛି । R ଅର୍ଥ ରାହୁଲ । ଏହି ଫଟୋରେ ଫ୍ୟାନ୍ସ କମେଣ୍ଟ ବକ୍ସରେ ବହୁ ମନ୍ତବ୍ୟ ସହ ହାର୍ଟ ଇମୋଜି ଦେଉଛନ୍ତି ।
ପ୍ରକାଶ ଥାଉ ଯେ, ନିକଟରେ ରାହୁଲ ଏବଂ ଦିଶା ବୁଲିବାକୁ ଯାଇଥିଲେ। ମୁମ୍ବାଇ ଫେରୁଥିବା ବେଳେ ରାହୁଲ ଏବଂ ଅଲି ଗୋନି ପରସ୍ପରକୁ ଭେଟିଥିଲେ। ଏଥି ସହିତ, ଉଭୟ ନିଜ ଗର୍ଲଫ୍ରେଣ୍ଡମାନଙ୍କ ସହିତ ଏକ ରୋମାଣ୍ଟିକ ଡିନର ନାଇଟ ମଧ୍ୟ ଉପଭୋଗ କରିଥିଲେ ।