ବର୍ଷାରେ ମସ୍ତି କରୁଛନ୍ତି ଟିଭିର ଇଚ୍ଛାଧାରୀ ନାଗିନ

ଭାଇରାଲ ହେଲା ନିୟାଙ୍କ ନୂଆ ଭିଡିଓ । ଏଥର ରଙ୍ଗୀଲା ଗାର୍ଲ ସାଜି ବର୍ଷାରେ କଲେ ଜବରଦସ୍ତ ଡାନ୍ସ ।

ମୁମ୍ବାଇ: ଟିଭିର ପପୁଲାର ଅଭିନେତ୍ରୀ ନିୟା ଶର୍ମା ସବୁବେଳେ ନିଜ ଦମଦାର ଅଭିନୟ ପାଇଁ ଦର୍ଶକଙ୍କ ମନ କିଣିଥାଆନ୍ତି । ଅଭିନୟ ବ୍ୟତୀତ ସେ ନିଜ ଷ୍ଟାଇଲ ଓ ବିନ୍ଦାସ ଅନ୍ଦାଜ ପାଇଁ ମଧ୍ୟ ଚର୍ଚ୍ଚାରେ ରୁହନ୍ତି । ଏଥର ମଧ୍ୟ ସେ ଚର୍ଚ୍ଚାରେ ଆସିଛନ୍ତି । ପ୍ରାୟତଃ ସୋସିଆଲ ମିଡିଆରେ ଆକ୍ଟିଭ ରହୁଥିବା ନିୟା ନିଜର ନୂଆ ଭିଡିଓ ସେୟାର କରି ଫ୍ୟାନ୍ସଙ୍କୁ ପୁଣିଥରେ ଦିୱାନା କରିଦେଇଛନ୍ତି । ବର୍ତ୍ତମାନ ଖୁବ୍ ଭାଇରାଲ ହେଉଛି ତାଙ୍କ ଏହି ଭିଡିଓ ।

ସେ ଇନଷ୍ଟାଗ୍ରାମରେ ଯେଉଁ ଭିଡିଓ ସେୟାର କରିଛନ୍ତି ସେଥିରେ ସେ ବର୍ଷାରେ ମଜାମସ୍ତି କରୁଥିବାର ଦେଖାଯାଉଛନ୍ତି । ସେହିପରି ଏହାର କ୍ୟାପସନରେ ଲେଖିଛନ୍ତି, ‘ହେଲିପ୍ୟାଡ ଆଉ ଏହି ବର୍ଷା ।’

ଭିଡିଓରେ ନିୟା ରଙ୍ଗୀଲା ଗାର୍ଲ ଉର୍ମିଲାଙ୍କ ଗୀତ ‘ତନହା ତନହା’ରେ ଡାନ୍ସ କରୁଛନ୍ତି । ବ୍ଲାକ କ୍ରପ ଟପ ଓ ବ୍ଲାକ ପ୍ୟାଣ୍ଟ ସହ ସେ ରେନିକୋଟ ପିନ୍ଧିଥିବାର ନଜର ଆସୁଛନ୍ତି । ଖାଲି ଏତିକି ନୁହେଁ ଏହି ଭିଡିଓକୁ ଏଯାବତ 2 ଲକ୍ଷରୁ ଅଧିକ ଲାଇକ ମିଳିସାରିଲାଣି । ଆପଣ ବି ଦେଖନ୍ତୁ ନିୟାଙ୍କ ଏହି ମଜାଦାର ଅନ୍ଦାଜ...