ସିଦ୍ଧାର୍ଥଙ୍କ ପାଖରେ ନାହିଁ କାମ, ସେହନାଜଙ୍କ ଲୋଡିଲେ ସାହାଯ୍ୟ

ସୋସିଆଲ ମିଡିଆରେ ସେହନାଜଙ୍କୁ କାମ ମାଗି ଚର୍ଚ୍ଚାରେ ସିଦ୍ଧାର୍ଥ । ଭାଇରାଲ ହେଲା ତାଙ୍କ ଟ୍ବିଟର ପୋଷ୍ଟ । ଅଧିକ ପଢନ୍ତୁ...

ମୁମ୍ବାଇ: ‘ବିଗବସ 13’ ଫେମ ତଥା ପଞ୍ଜାବୀ ଅଭିନେତ୍ରୀ ସେହନାଜ ଗିଲ ଅଭିନେତ୍ରୀରୁ ପ୍ରଯୋଜିକା ସାଜିଛନ୍ତି । ନିକଟରେ ରିଲିଜ ହୋଇଥିବା ତାଙ୍କ ଭାଇ ସହବାଦ ବାଦଶାହଙ୍କ ମ୍ୟୁଜିକ ଭିଡିଓ ‘ଲିଟିଲ ଷ୍ଟାର’ ଜରିଆରେ ପ୍ରଯୋଜନା ଦୁନିଆରେ ଡେବ୍ୟୁ କରିଥିଲେ ସେ । ସେପଟେ ତାଙ୍କୁ ପ୍ରଯୋଜିକା ହେବାର ଦେଖି ଟିଭିର ଫେମସ ଆକ୍ଟର ତଥା ତାଙ୍କ ବୟଫ୍ରେଣ୍ଡ ସିଦ୍ଧାର୍ଥ ଶୁକ୍ଲା ତାଙ୍କୁ କାମ ମାଗୁଥିବାର ନଜର ଆସୁଛନ୍ତି । ଯାହାକୁ ନେଇ ଚର୍ଚ୍ଚା ।

କଥାଟି ହେଲା ଯେ ସିଦ୍ଧାର୍ଥ ଏକ ଟ୍ବିଟ କରି ଲେଖିଛନ୍ତି, ‘ସେହନାଜ ତୁମ ଭିଡିଓ ଭଲ ଲାଗିଲା । ତୁମ ବର୍ତ୍ତମାନ ପ୍ରଯୋଜିକା ସାଜିଛ । ଆଉ ମତେ ଜଣାନଥିଲା ଯେ ତୁମେ ଏତେ ଟ୍ୟାଲେଣ୍ଟେଡ ଝିଅ ବୋଲି । ଏବେ ତୁମ ପ୍ରଯୋଜିକା ହୋଇସାରିଲଣି ତେବେ ମତେ ବି କାମ କରିବାର ସୁଯୋଗ ଦିଅ । ଯାହାକୁ ନେଇ ମୁଁ ଗର୍ବିତ ଅନୁଭବ କରିବି ।’

ପ୍ରକାଶ ଥାଉକି ସିଦ୍ଧାର୍ଥ ଏବଂ ସେହନାଜ ‘ବିଗବସ’ ସିଜନ 13 ରେ ପ୍ରତିଯୋଗୀ ରୂପେ ନଜର ଆସିଥିଲେ । ଶୋରେ ଦୁଇଜଣଙ୍କ କେମେଷ୍ଟ୍ରିକୁ ବେଶ୍ ପସନ୍ଦ କରିଥିଲେ ଦର୍ଶକ । ପ୍ରଶଂସକ ଦୁହେଁଙ୍କୁ ସିଟନାଜ ନାମରେ ମଧ୍ୟ ଡାକୁଥିଲେ। ଶୋ ପରେ ସେମାନେ ଏକାଠି ଏକ ମ୍ୟୁଜିକ୍ ଭିଡିଓରେ ଅଭିନୟ କରିଥିଲେ । ଯାହା ଖୁବ୍ ଲୋକପ୍ରିୟ ହୋଇଥିଲା ।