ଏକ୍ସ ଗାର୍ଲଫ୍ରେଣ୍ଡ ଆକାଂକ୍ଷାଙ୍କ ଟାଟୁ ହଟାଇଲେ ପାରସ

ସୋସିଆଲ ମିଡିଆରେ ଭାଇରାଲ ହେଲା ପାରସ ଛାବରାଙ୍କ ନୂଆ ଭିଡିଓ । ଏଥର ସେ ହାତରୁ ପୁରୁଣା ଟାଟୁ ହଟାଇ ବିଗ ବସ ଆଖିର ଟାଟୁ ତିଆରି କରିଛନ୍ତି ।

ମୁମ୍ବାଇ: ଟିଭି ଆକ୍ଟର ତଥା ବିଗ ବସ 13ରେ ଭାଗ ନେଇଥିବା ପାରସ ଛାବଡାଙ୍କୁ ନେଇ ନୂଆ ଚର୍ଚ୍ଚା । ବର୍ତ୍ତମାନ ସେ ବିଗ ବସ 13ର ପ୍ରତିଯୋଗୀ ମାହିରା ଶର୍ମାଙ୍କୁ ଡେଟ କରୁଛନ୍ତି । ଯାହା ପାଇଁ ସେ ଦୀର୍ଘ ସମୟରୁ ନିଜ ଏକ୍ସ ଗାର୍ଲଫ୍ରେଣ୍ଡ ଆକାଂକ୍ଷା ପୁରୀଙ୍କ ନାମରେ କରିଥିବା ଟାଟୁ ହଟାଇବାକୁ ଚାହୁଁଥିଲେ । ଏବେ ସେ ଏହି କାମରେ ସଫଳ ହୋଇଛନ୍ତି । ସେ ନିଜ ହାତରୁ ଆକାଂକ୍ଷାଙ୍କ ନାମର ଟାଟୁ ହଟାଇ ଦେଇଛନ୍ତି ।

ପାରସ ଏବେ ଆକାଂକ୍ଷା ନାମ ସ୍ଥାନରେ ବିଗ ବସର ଆଖି ତିଆରି କରିଛନ୍ତି । ଯାହାର ଭିଡିଓ ବର୍ତ୍ତମାନ ଖୁବ୍ ଭାଇରାଲ ହେବାରେ ଲାଗିଛି । ନିଜ ଇନଷ୍ଟାଗ୍ରାମରେ ଭିଡିଓକୁ ସେୟାର କରି ସେ ଲେଖିଛନ୍ତି, ‘ବିଗ ବସ ମୋର ଆଖି ଖୋଲି ଦେଇଛନ୍ତି ।’

ସେପଟେ ଫ୍ୟାନ୍ସଙ୍କୁ ପାରସଙ୍କ ନୂଆ ଟାଟୁ ଖୁବ୍ ପସନ୍ଦ ଆସିଛି । ସୋସିଆଲ ମିଡିଆରେ ତାଙ୍କୁ କମେଣ୍ଟ କରି ପ୍ରଶଂସା କରିବାରେ ଲାଗିଛନ୍ତି ଫ୍ୟାନ୍ସ । ଆପଣ ବି ଦେଖନ୍ତୁ ତାଙ୍କ ନୂଆ ଟାଟୁ...