ମୁମ୍ବାଇ: ବିଗ ବସ 13ର ଫେମସ ପ୍ରତିଯୋଗୀ ସେହନାଜ ଗିଲ ଓ ପାରସ ଛାବଡା ନିଜ ନିଜ ବିବାହକୁ ନେଇ ଖୁବ୍ ଏକ୍ସାଇଟେଡ । ବର, କନ୍ୟା ଗେଟଅପରେ ଦୁଇଜଣ ପ୍ରସ୍ତୁତ ମଧ୍ୟ ହୋଇସାରିଲେଣି । ଯଦି ଆପଣ ଭାବୁଛନ୍ତି ଏହି ଦୁଇଜଣ ପରସ୍ପରକୁ ବିବାହ କରିବେ ତେବେ ଆପଣ ଭୁଲ ଭାବୁଛନ୍ତି । କାରଣ ଦୁଇଜଣ ପରସ୍ପର ପାଇଁ ଭିନ୍ନ ଭିନ୍ନ ଲାଇଫ ପାର୍ଟନର ଖୋଜିବାକୁ ଯାଉଛନ୍ତି । ତେବେ ଆସନ୍ତୁ ଜାଣିବା ପୁରା କଥା...
ବର-କନ୍ୟା ବେଶରେ ପାରସ ଓ ସେହନାଜ, ଭିଡିଓ ଭାଇରାଲ - ଫେମସ ପ୍ରତିଯୋଗୀ ପାରସ ଛାବଡା
ବଗ ବସ 13 ପରେ ଏକ ଲୋକପ୍ରିୟ ଟିଭି ଚ୍ୟାନେଲ ଏକ ନୂଆ ଶୋ ‘ମୁଝସେ ଶାଦୀ କରୋଗେ’ ଆଣିବାକୁ ଯାଉଛି। ଯେଉଁଥିରେ ସେଲିବ୍ରିଟିଙ୍କ ସ୍ବୟଂବର ଦେଖିବାକୁ ମିଳିବ। ଯାହାର ପ୍ରୋମୋ ଭିଡିଓ ଜାରି ହୋଇଯାଇଛି।
ଫଟୋ ସୌଜନ୍ୟ: ଇନଷ୍ଟାଗ୍ରାମ@କଲର୍ସ ଚ୍ୟାନେଲ
ଲୋକପ୍ରିୟ ଟିଭି ଚ୍ୟାନେଲ ନୂଆ ଶୋ ‘ମୁଝସେ ଶାଦୀ କରୋଗୋ’ର ଏକ ଭିଡିଓ ସୋସିଆଲ ମିଡିଆରେ ସେୟାର କରାଯାଇଛି । ଯାହା ବର୍ତ୍ତମାନ ଖୁବ୍ ଭାଇରାଲ ହେବାରେ ଲାଗିଛି । ଯେଉଁଥିରେ ସେହନାଜ ଓ ପାରସ ବର, କନ୍ୟା ବେଶରେ ନଜର ଆସୁଛନ୍ତି । ଭିଡିଓରେ ପାରସ, ସେହନାଜଙ୍କୁ କହୁଛନ୍ତି ଯେ ସେ ବିବାହ କରିବେ । ତାଙ୍କ କଥା ଶୁଣି ସେହନାଜ ମଧ୍ୟ କହୁଛନ୍ତି ସେ ବି ବିବାହ କରୁଛନ୍ତି ।
ଏହାପରେ ତାଙ୍କ କଥା ଶୁଣି ପାରସ ଆଶ୍ଚର୍ଯ୍ୟ ହେଉଯାଉଛନ୍ତି । ତାଙ୍କ ସନ୍ଦେହ ଦୂର କରିବାକୁ ଯାଇ ସେହନାଜ କହୁଛନ୍ତି ସେ ତାଙ୍କ ସହ ବିବାହ କରିବେ ନାହିଁ । ସେ ତ ନିଜ ପାଇଁ ବର ଖୋଜୁଛନ୍ତି । ଏହାସହ ଦୁଇଜଣ ନିଜ ଫ୍ୟାନ୍ସଙ୍କୁ ବିବାହରେ ସାମିଲ ହେବାକୁ ହାତ ଯୋଡି ଅନୁରୋଧ କରିଛନ୍ତି । ଆପଣ ମଧ୍ୟ ଦେଖନ୍ତୁ ଦୁଇଜଣଙ୍କ ଏହି ମସ୍ତିଭରା ଭିଡିଓ...