ନୂଆଦିଲ୍ଲୀ: ଏବର୍ଷ ‘ବିଗବସ 14’କୁ ନେଇ ଚର୍ଚ୍ଚା । ଆରମ୍ଭ ସମୟରେ ମେକର୍ସ ଘୋଷଣା କରିଥିଲେ ଯେ ଏଥର ସିଜିନରେ ଦେଖିବାକୁ ମିଳିବ ଭିନ୍ନ ଜିନିଷ । ଅକ୍ଟୋବର 3 ରୁ ଆରମ୍ଭ ହୋଇଥିବା ‘ବିଗବସ 14’ରେ ଏବେ ଦେଖିବାକୁ ମିଳୁଛି ଅନେକ ଟ୍ବିଷ୍ଟ । ପ୍ରତିଯୋଗୀ ଜିତିବା ପାଇଁ ପରସ୍ପର ବିରୋଧରେ ନଜର ଆସୁଛନ୍ତି ।
ଡିସେମ୍ବର 5 ରେ, ରାହୁଲ ବୈଦ୍ୟଙ୍କୁ ଫିନାଲେ ଅବସରରେ ଘରୁ ବାହାର କରାଯାଇଛି । ନିର୍ମାତା ଏହାର ପ୍ରମୋ ମଧ୍ୟ ରିଲିଜ କରିଛନ୍ତି । ରାହୁଲଙ୍କୁ ଏହିପରି ଘରୁ ବାହାର କରାଯାଇଥିବାରୁ ପ୍ରଶଂସକଙ୍କ କ୍ରୋଧ ବଢିଯାଇଛି ଯାହା ପରେ ସୋସିଆଲ ମିଡିଆରେ # NORAHULNOBB14 ଟ୍ରେଣ୍ଡ କରୁଛି ।
ଆଗାମୀ ଏପିସୋଡର ପ୍ରୋମୋରେ ସଲମାନ ରାହୁଲଙ୍କୁ ପଚାରିଛନ୍ତି, 'ରାହୁଲ ଆପଣଙ୍କୁ କଣ ଲାଗେ ଅଭିନବ ଫାଇନାଲିଷ୍ଟ ଭାବରେ ରହିବା ଯୋଗ୍ୟ?' ଯାହର ଉତ୍ତରରେ ରାହୁଲ କହିଛନ୍ତି, ମତେ ତାଙ୍କ ବ୍ୟକ୍ତିତ୍ବ ଅଧିକ ପ୍ରଭାବଶାଳୀ ଲାଗେ ନାହିଁ । ଅଭିନବ କୁହନ୍ତି ଯେ, ପ୍ରତ୍ୟେକ ପରିସ୍ଥିତି ଉପରେ ମତାମତ ଦେବା ଜରୁରୀ ନୁହେଁ । କିନ୍ତୁ, ମୁଁ ସେହି ଜିନିଷ ଅନୁଯାୟୀ ତାଙ୍କୁ ଫାଇନାଲିଷ୍ଟ ଲିଷ୍ଟରେ ଦେଖୁନାହିଁ ।
ଏହା ପରେ ସଲମାନ ରାହୁଲଙ୍କୁ ପଚାରିଥିଲେ ଯେ ସେ ଅଭିନବକୁ ଫାଇନାଲିଷ୍ଟ ନହେବା ପାଇଁ ତାଙ୍କ ତରଫରୁ କ’ଣ ଉଦ୍ୟମ କରିଛନ୍ତି? ଏହା ପରେ ରାହୁଲ ନିଜର ମତ ରଖିଛନ୍ତି । ଯାହାପରେ ସଲମାନ ରାହୁଲଙ୍କ ଗେମ ପ୍ଲାନିଙ୍ଗକୁ ନେଇ ନିରାଶ ହୋଇଥିବା ପରି ମନେହୁଏ । ଏବଂ ଏଥିସହିତ ସେ ରାହୁଲଙ୍କୁ ପଚାରିଛନ୍ତି, ରାହୁଲ.. ଯଦି ଆମେ ସ୍ବେଚ୍ଛାକୃତ ଭାବରେ ଘରୁ ବାହାରକୁ ଆସିବାର ବିକଳ୍ପ ଦେଇଥାଉ, ତେବେ ଆପଣ ଏହି ଅଫରକୁ ଗ୍ରହଣ କରିବେ କି? ଏହା ଶୁଣି ରାହୁଲ କହିଛନ୍ତି ଯେ, ହଁ ସେ ଘରକୁ ଯିବାକୁ ଚାହାଁନ୍ତି । ସେ ମାନସିକ ସ୍ତରରେ ବହୁତ ଶକ୍ତିଶାଳୀ କିନ୍ତୁ ପରିବାର ବିନା ନୁହେଁ ।
ପରିଶେଷରେ ସଲମାନ କହିଛନ୍ତି ଯେ, ଶୋ ପ୍ରତି ଏବଂ ଗେମ ପ୍ରତି ଆଗ୍ରହ ନଥିବାରୁ ରାହୁଲଙ୍କୁ ବିଗବସ ଘରୁ ବାହାର କରାଯାଉଛି । ରାହୁଲ ଏହା ଉପରେ ସ୍ପଷ୍ଟୀକରଣ ଦେବାକୁ ଚେଷ୍ଟା କରନ୍ତି, କିନ୍ତୁ ସଲମାନ କହିଛନ୍ତି ଯେ ଏହାର କୌଣସି ଆବଶ୍ୟକତା ନାହିଁ । ଏହା ପରେ ବିଗ୍ ବସ୍ ଘରର ଫାଟକ ଖୋଲା ଯାଏ ।
ଏହାକୁ ରାହୁଲଙ୍କ ପ୍ରଶଂସକମାନେ ପସନ୍ଦ କରିନାହାଁନ୍ତି ଏବଂ ସେମାନେ ସୋସିଆଲ ମିଡିଆରେ ରାହୁଲଙ୍କୁ 'ବିଗ୍ ବସ୍ 14'ରେ ଫେରାଇ ଆଣିବାକୁ ଦାବି କରୁଛନ୍ତି । ଏଥିସହିତ ସୋସିଆଲ ମିଡିଆରେ # NORAHULNOBB14 ଟ୍ରେଣ୍ଡ କରୁଛି ।
