ନୂଆଦିଲ୍ଲୀ:କଲର୍ସ ଟିଭିର ରିଆଲିଟି ଶୋ 'ବିଗ୍ ବସ୍ 14' ଶେଷ ହୋଇଛି, କିନ୍ତୁ ପ୍ରତିଯୋଗୀମାନଙ୍କ ପାର୍ଟି ଏବେ ମଧ୍ୟ ଚାଲିଛି । କିଛି ଦିନ ପୂର୍ବରୁ, ରାକ୍ଷୀ ସାୱନ୍ତ ଏକ ଗେଟ୍ ଟୁ ଗେଦର୍ ପାର୍ଟିର ଆୟୋଜନ କରିଥିଲେ । ଯେଉଁଥିରେ ବିଗ୍ ବସ୍ 14 ର କିଛି ପ୍ରତିଯୋଗୀ ନଜର ଆସିଥିଲେ । ଏହା ପରେ ରାହୁଲ ମହାଜନ ତାଙ୍କ ଘରେ ଏକ ପାର୍ଟି ରଖିଥିଲେ । ଯେଉଁଥିରେ ରୁବିନା-ଅଭିନବଙ୍କ ସମେତ ଅନେକ ପ୍ରତିଯୋଗୀ ଉପସ୍ଥିତ ହୋଇଥିଲେ।
ବର୍ତ୍ତମାନ ନିକଟରେ 'ବିଗ୍ ବସ୍ 14' ଫେମ ନୈନା ସିଂ ତାଙ୍କ ଜନ୍ମଦିନ ଅବସରରେ ଏକ ପାର୍ଟିର ଆୟୋଜନ କରିଛନ୍ତି । ଯେଉଁଥିରେ ଜାନ କୁମାର ଶାନୁ, ଏଜାଜ ଖାନ, ପବିତ୍ରା ପୁନିଆ, ଶାର୍ଦ୍ଦୁଲ ଏବଂ ନିକ୍କି ଉପସ୍ଥିତ ଥିଲେ।
ଏହି ଅବସରରେ ଅଭିନବ ମଧ୍ୟ ପହଞ୍ଚିଥିଲେ, କିନ୍ତୁ ନୈନାଙ୍କ ଭଲ ବନ୍ଧୁ ରୁବିନା ତାଙ୍କ ସହ ନଥିଲେ।