ମୁମ୍ବାଇ: ଟେଲିଭିଜନର ଫେମସ ହୋଷ୍ଟ ତଥା ଅଭିନେତା ମନୀଶ ପଲ ତାଙ୍କ ମଜାଳିଆ କମେଡି ପାଇଁ ବେଶ ଜଣାଶୁଣା । ନିକଟରେ, ମନୀଷ କେନ୍ଦ୍ର ମନ୍ତ୍ରୀ ସ୍ମୃତି ଇରାନୀଙ୍କୁ ଭେଟିବାକୁ ଆସିଥିଲେ । ଏହି ସମୟରେ ସ୍ମୃତି ତାଙ୍କୁ ଚା’ ବଦଳରେ କାଢା ପିଇବାକୁ ଦେଇଥିଲେ ।
କୋରୋନା ମହାମାରୀ ସମୟରେ ଲୋକମାନେ କାଢା ପିଇ ନିଜର ରୋଗ ପ୍ରତିରୋଧକ ଶକ୍ତି ବଢାଉଛନ୍ତି। ଏଭଳି ପରିସ୍ଥିତିରେ ସ୍ମୃତି ମନୀଷଙ୍କ ସ୍ବାସ୍ଥ୍ୟକୁ ଧ୍ୟାନରେ ରଖି ତାଙ୍କୁ କାଢା ପିଇବାକୁ ଦେଇଥିଲେ। ଯାହାପରେ ମନୀଷ ସ୍ମୃତିଙ୍କୁ ଧନ୍ୟବାଦ ଜଣାଇଛନ୍ତି ।
ମନୀଷ ଇନଷ୍ଟାଗ୍ରାମରେ ତିନୋଟି ଫଟୋ ସେୟାର କରିଛନ୍ତି। ଯେଉଁଥିରେ ମନୀଷ କେନ୍ଦ୍ର ମନ୍ତ୍ରୀ ସ୍ମୃତି ଇରାନୀଙ୍କ ସହ ନଜର ଆସିଛନ୍ତି। ମନୀଷଙ୍କ ଦ୍ବାରା ନିଆଯାଇଥିବା ସେଲଫିରେ ସ୍ମୃତି କାଜୁଆଲ୍ ଲୁକରେ ନଜର ଆସିଛନ୍ତି ।
ଗୋଟିଏ ଫଟୋରେ କେବଳ ସ୍ମୃତି ଏବଂ ମନୀଷ ନଜର ଆସିଥିବାବେଳେ ଏବଂ ଅନ୍ୟଫଟୋରେ ମନୀଷ କପ ଧରିଥିବାର ଦେଖିବାକୁ ମିଳିଛି ।