ଆସିଲା ‘ଦ କପିଲ ଶର୍ମା’ର ନୂଆ ପ୍ରୋମୋ, ଭାଇରାଲ ଭିଡିଓ

ଖୁବଶୀଘ୍ର ପୁଣି ଦର୍ଶକଙ୍କୁ ହସାଇବେ କପିଲ ଶର୍ମା । କାରଣ ଟେଲିକାଷ୍ଟ ହେବାକୁ ଯାଉଛି ତାଙ୍କ ଲୋକପ୍ରିୟ ଶୋ ‘ଦ କପିଲ ଶର୍ମା’ର ନୂଆ ଏପିସୋଡ।

ମୁମ୍ବାଇ: ଶେଷ ହେବାକୁ ଯାଉଛି କମେଡି କିଙ୍ଗ କପିଲ ଶର୍ମାଙ୍କ ଫ୍ୟାନ୍ସଙ୍କ ଅପେକ୍ଷା । କାରଣ ଗୁରୁବାର ସେମାନଙ୍କ ପାଇଁ ସାମ୍ନାକୁ ଆସିଛି ବଡ ସରପ୍ରାଇଜ। ଏହି ସୂଚନା ତ ପୂର୍ବରୁ ଦିଆଯାଇଥିଲା ଯେ ‘ଦ କପିଲ ଶର୍ମା’ ଶୋର ପୁନଃ ସୁଟିଂ ଆରମ୍ଭ ହୋଇଯାଇଛି। ଆଉ ଖୁବଶୀଘ୍ର ଶୋର ନୂଆ ଏପିସୋଡ ଟେଲିକାଷ୍ଟ ହେବାକୁ ଯାଉଛି। ହେଲେ ଏହାପୂର୍ବରୁ ଶୋର ନୂଆ ପ୍ରୋମୋ ଜାରି କରିଦେଇଛନ୍ତି ମେକର୍ସ । ଯାହାକୁ ସୋସିଆଲ ମିଡିଆରେ ସେୟାର କରିଛନ୍ତି କପିଲ ।

ଟ୍ବିଟରେ ପ୍ରୋମୋ ସେୟାର କରି ସେ କ୍ୟାପସନରେ ଲେଖିଛନ୍ତି, ‘ଫେରିଆସିବ ସେହି ଖୁସି ଆଉ ଜୋକ୍ସ, କାରଣ ଆମ କରୁଛୁ ରିଷ୍ଟାର୍ଟସେଫ୍ଳି । ଖୁବଶୀଘ୍ର ଫେରିବୁ ଦ କପିଲ ଶର୍ମା ଶୋର ନୂଆ ଏପିସୋଡ ସହ।’

ସେହିପରି ଏହି ପ୍ରୋମୋ ଭିଡିଓରେ କପିଲ ଷ୍ଟେଜରେ ଝାଡୁ ମାରୁଥିବାର ନଜର ଆସୁଛନ୍ତି । ଆଉ ଅନ୍ୟ କମେଡିଆନ ମସ୍ତି ଦେଖିବାକୁ ମିଳୁଛି । ଆପଣ ବି ଦେଖନ୍ତୁ ଭିଡିଓ...