କପିଲ ଶ୍ରେଷ୍ଠ ଷ୍ଟାଣ୍ଡଅପ କମେଡିଆନ

କପିଲ ହେଲେ ବିଶ୍ବ ରେକର୍ଡର ଅଧିକାରୀ । ସର୍ବ ଶ୍ରେଷ୍ଠ ଷ୍ଟାଣ୍ଡଅପ କମେଡିଆନ ସମ୍ମାନ ପାଇଛନ୍ତି କପିଲ ।

ହାଇଦ୍ରାବାଦ: ସମସ୍ତଙ୍କର ପସନ୍ଦଦାର ଷ୍ଟାଣ୍ଡଅଫ କମେଡିଆନ ଲିଷ୍ଟର ଟପରେ କପିଲ ଶର୍ମା । ନିଜ ନାଁକୁ ଏହି ଲିଷ୍ଟରେ ସାମିଲ କରି ବିଶ୍ବ ରେକର୍ଡର ଅଧିକାରୀ ହୋଇଛନ୍ତି କପିଲ । ୱାର୍ଲ୍ଡ ବୁକ ଅଫ ରେକର୍ଡ୍ସ ଲଣ୍ଡନ ତାଙ୍କୁ ଏହି ସମ୍ମାନ ଦେଇଛି ।

ସୋନୀ ଟିଭିର ଅଫିସିଆଲ ପେଜ କପିଲଙ୍କୁ ଅଭିନନ୍ଦନ ଜଣାଇ ଏହି ଖବର ଦେଇଛି । ତେବେ ଷ୍ଟାଣ୍ଡଅପ କମେଡିଆନ ଭାବରେ ଟେଲିଭିଜନରେ ଏଣ୍ଟ୍ରି ମାରିଥିଲେ କପିଲ । ପ୍ରଥମେ ଅନେକ କମେଡି ଶୋ’ରେ ଭାଗ ନେଇ ନିଜ ଦକ୍ଷତାକୁ ଲୋକଙ୍କ ସାମ୍ନାକୁ ଆଣିଥିଲେ ।

ପରେ କଲର୍ସ ଟିଭିରେ କପିଲଙ୍କ ଶୋ’ କମେଡି ନାଇଟ୍ସ ୱିଥ୍ କପିଲ ପ୍ରସାରିତ ହୋଇଥିଲା । ଏହା ତାଙ୍କୁ ସଫଳତାର ଶୀର୍ଷରେ ପହଞ୍ଚାଇବାରେ ସହାୟତା କରିଥିଲା । ଏବେ ସୋନୀରେ ଟେଲିକାଷ୍ଟ ହେଉଥିବା ଶୋ’ ଦି କପିଲ ଶର୍ମା ଶୋକୁ ଦର୍ଶକମାନେ କାଫି ପସନ୍ଦ କରୁଛନ୍ତି ।