ମୁମ୍ବାଇ: ବହୁ ପ୍ରତିକ୍ଷିତ କନ୍ନଡ ଚଳଚ୍ଚିତ୍ର 'ଲ' ଆସନ୍ତା ମାସ ଜୁଲାଇ 17 ରେ ପ୍ରିମିୟର ହେବ ବୋଲି ଆମାଜନ ପ୍ରାଇମ ଭିଡିଓ ଘୋଷଣା କରିଛି ।
ଏହି କ୍ରାଇମ-ଥ୍ରୀଲରରେ ରାଗିଣୀ ଚନ୍ଦ୍ରନଙ୍କ ଦ୍ବାରା ଅଭିନୀତ ନନ୍ଦିନୀଙ୍କ ଯାତ୍ରା ଚିତ୍ରିତ ହୋଇଛି । ଯେଉଁଥିରେ ଅପରାଧ ବିରୁଦ୍ଧରେ ନ୍ୟାୟ ପାଇଁ ଲଢୁଛନ୍ତି । ସେ ଫିଲ୍ମରେ ମହିଳାଙ୍କ ପ୍ରତି ହେଉଥିବା ଅନ୍ୟାୟ ଏବଂ ଅପରାଧ ବିରୋଧରେ ସ୍ୱର ଉତ୍ତୋଳନ କରିଛନ୍ତି ।
'ଲ' ଅଶ୍ୱିନୀ ପୁନିଟ୍ ରାଜକୁମାର ଏବଂ ଏମ୍ ଗୋବିନ୍ଦାଙ୍କ ଦ୍ୱାରା ନିର୍ମିତ ଏବଂ ରଘୁ ସମରଥଙ୍କ ଦ୍ୱାରା ନିର୍ଦ୍ଦେଶିତ ଅଟେ । ଏହି କନ୍ନଡ ନାଟକରେ ମୁଖ୍ୟ ଅଭିନେତ୍ରୀ ଭାବରେ ରାଗିଣୀ ଡେବ୍ୟୁ କରୁଛନ୍ତି । ଏହା ବ୍ୟତୀତ ଏହି ଚଳଚ୍ଚିତ୍ରରେ ସିରି ପ୍ରହ୍ଲାଦ ଏବଂ ଭେଟେରାଇନ ଅଭିନେତା ଚନ୍ଦ୍ରୁ ମଧ୍ୟ ଅଭିନୟ କରିଛନ୍ତି ।
ଡିଜିଟାଲ୍ ପ୍ଲାଟଫର୍ମରେ ମୁକ୍ତିଲାଭ କରିବାକୁ ଯାଉଥିବା ସାଣ୍ତାଲ୍ଉଡ ଇଣ୍ଡଷ୍ଟ୍ରିରେ 'ଲ' ହେଉଛି ପ୍ରଥମ ଚଳଚ୍ଚିତ୍ର ।
ପୁନିତ ରାଜକୁମାରଙ୍କ PRK ପ୍ରଡକ୍ସନ୍ସ ଦ୍ୱାରା ନିର୍ମିତ ଏହି ଚଳଚ୍ଚିତ୍ରଟି ଜୁଲାଇ 17, 2020 ରେ ଆମାଜନ ପ୍ରାଇମ ଭିଡିଓରେ ବିଶ୍ବର 200 ରୁ ଅଧିକ ଦେଶରେ ଲଞ୍ଚ ହେବ ।
