ମୁମ୍ବାଇ: ମଙ୍ଗଳବାର ରାତି 8ଟାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଶକୁ ଲକଡାଉନ କରିବାକୁ ଘୋଷଣା କରିଥିଲେ । କୋରୋନା ଭାଇରସରୁ ଦେଶବାସୀଙ୍କୁ ବଞ୍ଚାଇବା ପାଇଁ ପିଏମ ମୋଦି ଏପରି ନିଷ୍ପତ୍ତି ନେଇଛନ୍ତି । 21 ଦିନ ପର୍ଯ୍ୟନ୍ତ ପୁରା ଦେଶ ଲକଡାଉନ ରହିବ । ମୋଦିଙ୍କ ଏପରି ନିଷ୍ପତ୍ତି ପରେ ଅନେକ ପ୍ରକାରର ପ୍ରତିକ୍ରିୟା ସାମ୍ନାକୁ ଆସିବାରେ ଲାଗିଛି ।
ଫଟୋ ସୌଜନ୍ୟ: ଟ୍ବିଟର@ଦୋବଲୀନା ଭଟ୍ଟାଚାର୍ଯ୍ୟା ବଲିଉଡରୁ ନେଇ ଟିଭି ଇଣ୍ଡଷ୍ଟ୍ରି କଳାକାରା ନିଜ ନିଜ ପ୍ରତିକ୍ରିୟା ଏହା ଉପରେ ରଖିଛନ୍ତି । ଏଥିରେ ସାମିଲ ଅଛନ୍ତି ଛୋଟ ପରଦାର ଫେମସ ରିୟାଲିଟି ଶୋ ବିଗ ବସ ଏକ୍ସ ପ୍ରତିଯୋଗୀ । ଏହି କଳାକାର ମାନେ ଲକଡାଉନ ନିଷ୍ପତ୍ତିର ସ୍ବାଗତ କରିଛନ୍ତି । ବିଗ ବସ ସିଜନ 13ର ବିଜେତା ସିଦ୍ଧାର୍ଥ ଶୁକ୍ଲା ଟ୍ବିଟ କରି ଫ୍ୟାନ୍ସଙ୍କୁ 21 ଦିନ ପର୍ଯ୍ୟନ୍ତ ଘରେ ରହି ସୁରକ୍ଷିତ ରହିବାକୁ ଅପିଲ କରିଛନ୍ତି ।
ସେହିପରି ଅଭିନେତ୍ରୀ ହିନା ଖାନ ଟ୍ବିଟ କରି ଲେଖିଛନ୍ତି, ‘ସବୁ ଆବଶ୍ୟକ ଜିନିଷ ଲକଡାଉନ ସମୟରେ ମିଳିବ । ଭାରତ ସରକାର ଏହାର ପ୍ରତିଜ୍ଞା କରିଛନ୍ତି । କେବଳ ବିଶ୍ବାସ ସେହି ଜରିଆ, ଯାହାଦ୍ବାରା ଏହି ମହାମାରୀ ସହ ଲଢାଯାଇପାରିବ । ଆପଣମାନେ କୌଣସି ଭିଡ ସ୍ଥାନରେ ଏକାଠି ହୁଅନ୍ତୁ ନାହିଁ।’
ଫଟୋ ସୌଜନ୍ୟ: ଟ୍ବିଟର@ହିନା ଖାନ ବିଗ ବସ ସିଜନ 13ର ପ୍ରତିଯୋଗୀ ଦେବୋଲୀନା ମଧ୍ୟ ପିଏମ ମୋଦିଙ୍କ ଏହି ନିଷ୍ପତ୍ତିର ସ୍ବାଗତ କରିଛନ୍ତି । ସେ ପୁରା ଦେଶବାସୀଙ୍କୁ ଏହି ନିଷ୍ପତ୍ତିକୁ ସମ୍ମାନ ଦେବା ସହ ପାଳନ କରିବାକୁ ଅପିଲ କରିଛନ୍ତି । ଦେବୋଲୀନ ବ୍ୟତୀତ ଟିଭିର ଅନେକ ଫେମସ କଳାକାର ଏହି ନିଷ୍ପତ୍ତିକୁ ସ୍ବାଗତ କରିବା ସହ ଫ୍ୟାନ୍ସଙ୍କୁ ସୁରକ୍ଷିତ ରହିବାକୁ ଅପିଲ କରିଛନ୍ତି ।
ଫଟୋ ସୌଜନ୍ୟ: ଟ୍ବିଟର@ସିଦ୍ଧାର୍ଥ ଶୁକ୍ଲା
