ମୁମ୍ବାଇ: ବିଗ ବସ ସିଜନ 13 ଆରମ୍ଭରୁ ହିଁ ଚର୍ଚ୍ଚାରେ। ଏହି ଶୋ’ କୁ ନେଇ ଗୋଟିଏ ପରେ ଗୋଟିଏ ବିବାଦ ସାମ୍ନାକୁ ଆସିବାରେ ଲାଗିଛି। ଏନେଇ ସୋସିଆଲ ମିଡିଆରେ ଦର୍ଶକଙ୍କ ମିଶ୍ରିତ ପ୍ରତିକ୍ରିୟା ମିଳୁଛି। କିଛି ଦର୍ଶକଙ୍କୁ ସିଜନ 13 ଏତେ ଭଲ ଲାଗୁଛି ଯେ ଟିଆରପି ମାମଲାରେ ଏହି ଶୋ ସମସ୍ତଙ୍କୁ ପଛରେ ପକାଇ ଦେଉଛି। ଆଉ କିଛି ଦର୍ଶକଙ୍କ ସୋସିଆଲ ମିଡିଆରେ ଶୋ’କୁ ନେଇ ନିଜ ଖରାପ ପ୍ରତିକ୍ରିୟା ଦେବାରେ ଲାଗିଛନ୍ତି। ଶୋକୁ ଫ୍ୟାନ୍ସ ସମେତ ଏକ୍ସ ପ୍ରତିଯୋଗୀ ଗୌହ୍ବର ଖାନ ମଧ୍ୟ ଫଲୋ କରୁଛନ୍ତି। ସେ ପ୍ରାୟତଃ ଶୋ’ର ପ୍ରତିଯୋଗୀଙ୍କ ବ୍ୟବହାର ଉପରେ ନିଜର ବିଚାର ବ୍ୟକ୍ତ କରୁଥିବାର ନଜର ଆସୁଛନ୍ତି।
ବିଗ ବସର ୱିକେଣ୍ଡ କା ୱାର ଏପିସୋଡରେ ଏହି ସପ୍ତାହରେ ଗୌହ୍ବର ଗେଷ୍ଟ ରୂପେ ନଜର ଆସିବେ। ଶୋରେ ଗୌହ୍ବର ଯିବା ଖବର ସାମ୍ନାକୁ ଆସିବା ମାତ୍ରେ ବିଗ ବସ ସିଜନ 13ର ଦମଦାର ପ୍ରତିଯୋଗୀ ସିଦ୍ଧାର୍ଥ ଶୁକ୍ଲା ଫ୍ୟାନ୍ସ ତାଙ୍କୁ ସୋସିଆଲ ମିଡିଆରେ ଆଡୁସାଡୁ କହିଛନ୍ତି । ଖାଲି ଏତିକି ନୁହେଁ ତାଙ୍କୁ ଧମକ ମଧ୍ୟ ଦେଉଛନ୍ତି । ସିଦ୍ଧାର୍ଥଙ୍କ ଫ୍ୟାନ୍ସ ଅନୁଯାୟୀ ଯଦି ଶୋରେ ଗୌହ୍ବର, ସିଦ୍ଧାର୍ଥଙ୍କ ବିରୋଧରେ କିଛି ଖରାପ କହିବେ ତେବେ ସେମାନେ ସୋସିଆଲ ମିଡିଆରେ #ShameOnYouGauahar ଟ୍ରେଣ୍ଡ କରାଇବେ।