ଆସମୀ-ସିଦ୍ଧାର୍ଥଙ୍କ ଡ୍ରାମା, ରାଗିଲେ ସଲମାନ

ଏଥର ବିଗ ବସ 13 ୱିକେଣ୍ଡ କା ୱାରରେ ଦେଖିବାକୁ ମିଳିବ ସଲମାନ ଖାନଙ୍କ କ୍ରୋଧଭରା ଅନ୍ଦାଜ। ବିଗ ବସ ଟ୍ବିଟର ପେଜରେ ସେୟାର ହୋଇଛି ଏହାର ପ୍ରୋମୋ ଭିଡିଓ।

ମୁମ୍ବାଇ: ସଲମାନ ଖାନଙ୍କ ମୋଷ୍ଟ କଣ୍ଟ୍ରୋଭର୍ସିୟାଲ ଶୋ ବିଗ ବସ 13 ଖୁବଶୀଘ୍ର ଶେଷ ହେବାକୁ ଯାଉଛି । ହେଲେ ବର୍ତ୍ତମାନ ଶୋରେ ଖୁବ୍ ଲଢେଇ ଝଗଡା ଦେଖିବାକୁ ମିଳୁଛି । ଶୋରେ ଝଗଡା ଦେଖି ସଲମାନ ମଧ୍ୟ ଖୁବ୍ ରାଗିଯାଇଛନ୍ତି । ସେ କ୍ରୋଧରେ ବିଗ ବସର 13ର ଫେମସ ପ୍ରତିଯୋଗୀ ଆସୀମ ରିୟାଜ ଓ ସିଦ୍ଧାର୍ଥ ଶୁକ୍ଲାଙ୍କ ଜବରଦସ୍ତ କ୍ଲାସ ମଧ୍ୟ ନେଇଛନ୍ତି।

ଏକଥା ତ ସମସ୍ତଙ୍କୁ ଜଣା ଯେ ସଲମାନ ରାଗିଲେ କାହାରିକୁ ମଧ୍ୟ ଛାଡନ୍ତି ନାହିଁ। ଏମିତି ହିଁ କିଛି ବିଗ ବସ 13ରେ ୱିକେଣ୍ଡ କା ୱାର ଏପିସୋଡରେ ଦେଖିବାକୁ ମିଳିବ। ଯେଉଁଠାରେ ସଲମାନ ପ୍ରତିଯୋଗୀ ଆସୀମ ଓ ସିଦ୍ଧାର୍ଥଙ୍କୁ ବିଗ ବସ ହାଉସରୁ ଆଉଟ କରିବେ। ଏକଥା ଆମେ କହୁନାହୁଁ ଏହା ବିଗ ବସର ଏକ ପ୍ରୋମୋ ଭିଡିଓରେ ଦେଖିବାକୁ ମିଳିଛି।

ବିଗ ବସ ଟ୍ବିଟର ପେଜରେ ସେୟାର କରାଯାଇଥିବା ପ୍ରୋମୋ ଭିଡିଓରେ ସଲମାନ ଏହି ଦୁଇ ପ୍ରତିଯୋଗୀଙ୍କୁ ଘରୁ ବାହାରି ଯିବାର ଧମକ ଦେଉଥିବାର ନଜର ଆସୁଛନ୍ତି। ପ୍ରଥମେ ସଲମାନ ଦୁଇଜଣଙ୍କୁ ଚୁପ କରିବାକୁ ଚେଷ୍ଟା କରିଥିଲେ। ହେଲେ ଆସୀମ ଓ ସିଦ୍ଧାର୍ଥ ନମାନିବାରୁ ଖୁବ୍ ରାଗି ଯାଇଥିଲେ ସେ। ଆଉ ରାଗି ଯାଇ ବିଗ ବସଙ୍କୁ କହିଥିଲେ ଦୁଇଜଣଙ୍କୁ ପାଇଁ ଗେଟ ଖୋଲି ଦେବାକୁ । ଆପଣ ମଧ୍ୟ ଦେଖନ୍ତୁ ସଲମାନଙ୍କ କ୍ରୋଧଭରା ଭିଡିଓ...