ମୁମ୍ବାଇ: ଛୋଟ ପରଦାର ରିୟାଲିଟି ଶୋ ବିଗ ବସ ସିଜନ 13ରେ ଏବେ ଫ୍ୟାମିଲି ରାଉଣ୍ଡ ଚାଲିଛି। ଯେଉଁଥିରେ ସବୁ ପ୍ରତିଯୋଗୀଙ୍କ ପରିବାର ସଦସ୍ୟ ସାକ୍ଷାତ କରିବାକୁ ଆସୁଛନ୍ତି। ଶୁଣିବାକୁ ମିଳୁଥିଲା ଯେ, ଫେମସ ପ୍ରତିଯୋଗୀ ରଶ୍ମୀ ଦେଶାଇଙ୍କ ମା' ତାଙ୍କୁ ସାକ୍ଷାତ କରିବାକୁ ଆସିବେ। ହେଲେ ଏମିତି ହୋଇନାହିଁ। ତାଙ୍କ ପରିବାର ପକ୍ଷରୁ ଭାଇଙ୍କ ପୁଅ, ଝିଅ ତାଙ୍କୁ ସାକ୍ଷାତ କରିବାକୁ ପହଞ୍ଚିଛନ୍ତି। ଦୁଇଜଣଙ୍କୁ ଏତେ ଦିନ ପରେ ଦେଖି ରଶ୍ମିଙ୍କ ଖୁସି ନକହିଲେ ନସରେ।
ଶୋରେ ତାଙ୍କ ପୁତୁରା, ଝିଆରୀ ଖୁବ୍ ମସ୍ତି କରୁଥିବାର ନଜର ଆସିଥିଲେ। ହେଲେ ଏହି ଏପିସୋଡରେ ଏମିତି କିଛି ହୋଇଛି ଯାହା ଦର୍ଶକଙ୍କୁ ମଧ୍ୟ ଖୁସ କରିଦେଇଛି । ଶୋ ଆରମ୍ଭରୁ ସବୁବେଳେ ପରସ୍ପର ସହ ଲଢି ଆସୁଥିବା ରଶ୍ମୀ ଓ ସିଦ୍ଧାର୍ଥ ଶୁକ୍ଲାଙ୍କ ମଧ୍ୟରେ ବନ୍ଧୁତା ଦେଖିବାକୁ ମିଳିଛି । ଆଉ ଏହା କେବଳ ସମ୍ଭବ ହୋଇପାରିଛି ରଶ୍ମୀଙ୍କ ପୁତୁରା ଓ ଝିଆରୀଙ୍କ ପାଇଁ ।