ମୁମ୍ବାଇ: ଘରେ ଘରେ ଏବେ ଚର୍ଚ୍ଚାରେ ସଲମାନ ଖାନଙ୍କ ବିବାଦୀୟ ଶୋ ବିଗ ବସ ସିଜନ 13 । ଗତ ସପ୍ତାହ ସବୁଠାରୁ ବିବାଦିତ ସପ୍ତାହ ସାବ୍ୟସ୍ତ ହୋଇଛି । ବିଗ ବସ ଇତିହାସରେ ପ୍ରଥମଥର ଘରର ସବୁ ପ୍ରତିଯୋଗୀଙ୍କ ଏକାଠି ଝଗଡା କରୁଥିବାର ଦେଖିବାକୁ ମିଳିଥିଲା । ପ୍ରତିଯୋଗୀ ପରସ୍ପର ବିରୋଧରେ ଖୁବ୍ ଖରାପ ମଧ୍ୟ କହିଥିଲେ । ଆଉ କିଛି ପ୍ରତିଯୋଗୀ ବିଗ ବସଙ୍କ ଉପରେ ଭୁଲ ଅଭିଯୋଗ ଲଗାଇଥିଲେ । ସେହି ପରି ଅନ୍ୟ କିଛି ପ୍ରତିଯୋଗୀ ବିଗ ବସ ଘରର ଅନେକ ଜିନିଷ ଭଙ୍ଗାରୁଜା ମଧ୍ୟ କରିଥିଲେ ।
ଟ୍ରୋଲିଂ ପରେ ଟ୍ରେଣ୍ଡରେ ସଲ୍ଲୁ ମିଆଁ - ଟ୍ବିଟରରେ #BestHostSalmanKhan
ଏଥର ବିଗ ବସ ସିଜନ 13 ୱିକେଣ୍ଡ ୱାରକୁ ନେଇ ଖୁସି ଦର୍ଶକ । ଶାନଦାର ହୋଷ୍ଟ ରୂପେ ବିଗ ବସ ପ୍ରତିଯୋଗୀଙ୍କୁ ହ୍ୟାଣ୍ଡଲ କରୁଛନ୍ତି ବୋଲି ସୋସିଆଲ ମିଡିଆରେ ଘୁରିବୁଲୁଛି ତାଙ୍କ ପ୍ରଶଂସା ।
ଫଟୋ ସୌଜନ୍ୟ: ଇନଷ୍ଟାଗ୍ରାମ@ସଲମାନ ଖାନ
ବିଗ ବସର ଏହି ବିବାଦିତ ସପ୍ତାହ ପରେ ଦର୍ଶକଙ୍କୁ ୱେକେଣ୍ଡ ୱାରର ଅପେକ୍ଷା ଥିଲେ । ସମସ୍ତଙ୍କୁ ଏହି ଚିନ୍ତା ଥିଲା ଯେ ପ୍ରତିଯୋଗୀଙ୍କ ଏପରି ବ୍ୟବହାରରେ ସଲମାନଙ୍କ କିପରି ପ୍ରତିକ୍ରିୟା ହେବ । ଆଉ ସେମିତି ଦେଖିବାକୁ ଗଲେ ସଲମାନ ମଧ୍ୟ କେଉଁ ଚୁପ ବସିବା ବ୍ୟକ୍ତି । ସେ ମଧ୍ୟ ପ୍ରତିଯୋଗୀଙ୍କ ଖୁବ୍ କ୍ଲାସ ନେଇଥିଲେ । ତାଙ୍କ ଟାର୍ଗେଟରେ ପ୍ରତିଯୋଗୀ ପାରସ ଛାବଡା, ସିଦ୍ଧାର୍ଥ ଓ ଶେଫାଳୀ ବଗ୍ଗା ଥିଲେ । ଝିଅଙ୍କ ବିଷୟରେ ଅଶ୍ଳୀଳ କଥା କହିବାରୁ ଅନେକ ପ୍ରତିଯୋଗୀଙ୍କୁ ଖୁବ୍ ଗାଳି କରିଥିଲେ ସଲମାନ ।
ସେ ଯେପରି ପ୍ରତିଯୋଗୀଙ୍କୁ ପରସ୍ପରର ଭୁଲ ଦେଖାଇବା ସହ ହ୍ୟାଣ୍ଡେଲ କରିଥିଲେ । ତାହାକୁ ଆଧାର କରି ବର୍ତ୍ତମାନ ସୋସିଆଲ ମିଡିଆରେ ତାଙ୍କର ଖୁବ୍ ପ୍ରଶଂସା କରିବାରେ ଲାଗିଛନ୍ତି ୟୁଜର୍ସ । ପୂର୍ବରୁ ଶହନାଜ ଗିଲଙ୍କ ପ୍ରତି ସମର୍ଥନ କରି ଅନ୍ୟ ପ୍ରତିଯୋଗୀଙ୍କ ସହ ଭେଦଭାବ କରୁଥିବା ଅଭିଯୋଗ ଲାଗାଇ ସଲମାନଙ୍କୁ ଟ୍ରୋଲ କରୁଥିବା ୟୁଜର୍ସ ମଧ୍ୟ ତାଙ୍କ ପ୍ରଶଂସା କରୁଛନ୍ତି । ବର୍ତ୍ତମାନ ଟ୍ବିଟରରେ #BestHostSalmanKhan ଟ୍ରେଣ୍ଡ କରୁଛି ।