ବିଗ ବସ 14ରେ ମାୟାଙ୍କ ରିଲ ସ୍ବାମୀ ଶିବିନ

‘ବେହଦ-2’ର ରୁଦ୍ର ନାମରେ ଘରେ ଘରେ ପରିଚିତ ଶିବିନ ନାରଙ୍ଗୀଙ୍କୁ ନେଇ ନୂଆ ଖବର। ଏବର୍ଷ ବିଗ ବସ ହାଉସରେ ହୋଇପାରେ ତାଙ୍କ ଏଣ୍ଟ୍ରି...

ମୁମ୍ବାଇ: ଛୋଟ ପରଦାର ରିୟାଲିଟି ଶୋ ବିଗ ବସ 13 ଶେଷ ହେବା ପରଠୁ ସିଜନ 14କୁ ନେଇ ଖୁବ୍ ଚର୍ଚ୍ଚା। ଏଥର ଶୋର କଣ ଥିମ ହେବ, କେବଳ ସେଲିବ୍ରିଟି ନଜର ଆସିବେ ନା ସାଧାରଣ ଲୋକ ଭାଗ ନେବେ ତାଙ୍କୁ ନେଇ ଚର୍ଚ୍ଚା । ଶୁଣିବାକୁ ମିଳୁଛି ଯେ ଶୋରେ ଜଙ୍ଗଲ ଥିମ ବ୍ୟବହାର କରାଯିବ। ସେହିପରି ମଝିରେ ମଝିରେ କିଛି ଷ୍ଟାର୍ସ ଶୋରେ ଭାଗ ନେବା ଖବର ସାମ୍ନାକୁ ଆସିବାରେ ଲାଗିଛି।

ଏବେ ଚର୍ଚ୍ଚା ଜୋର ଧରିଛି ଯେ ‘ଖତରୋଂ କେ ଖିଲାଡି’ରେ ନଜର ଆସୁଥିବା ଅଭିନେତା ଶିବିନ ନାରଙ୍ଗ ଏଥର ବିଗ ବସ ହାଉସରେ ନଜର ଆସୁପାରନ୍ତି। ଏହି ଚର୍ଚ୍ଚା ଉପରେ ଶିବିନ କହିଥିଲେ ଯେ ଯଦି ଏହି ଗ୍ରେଟ ଅଫର ମିଳୁଛି ତେବେ ସେ ନିହାତି ବିଗ ବସରେ ଭାଗ ନେବେ।

ପ୍ରକାଶ ଥାଉକି ସୋନି ଟିଭର ପପୁଲାର ଶୋ ‘ବେହଦ 2’ରେ ନଜର ଆସୁଛନ୍ତି ଶିବିନ। ଏହାସହ ସେ ଆକ୍ସନ ନିର୍ଦ୍ଦେଶକ ରୋହିତ ସେଟ୍ଟୀଙ୍କ ବିପଦପୂର୍ଣ୍ଣ ଶୋ ‘ଖତରୋଂ କେ ଖିଲାଡି’ରେ ମଧ୍ୟ ସାମିଲ ଅଛନ୍ତି। ହେଲେ ଲକଡାଉନ ପାଇଁ ବର୍ତ୍ତମାନ ସବୁ ଶୋର ସୁଟିଂକୁ ସ୍ଥଗିତ ରଖାଯାଇଛି।