ମୁମ୍ବାଇ: ବିଗ୍ ବସ୍ 13 ର ସବୁଠାରୁ ଲୋକପ୍ରିୟ ଯୋଡି ଆସୀମ ରିଆଜ୍ ଏବଂ ହିମାଂଶୀ ଖୁରାନା ଅରିଜିତ ସିଂଙ୍କ ନୂଆ ଭିଡିଓ ଗୀତରେ ଅଭିନୟ କରିଛନ୍ତି ।
ଅରିଜିତ ସିଂଙ୍କ ନୂତନ ଗୀତର ଟାଇଟେଲ୍ ହେଉଛି 'ଦିଲ୍ କୋ ମେନେ ଦି କସମ୍' । ଏଥିରେ ଆସୀମ ଏବଂ ହିମାଂଶୀ ଙ୍କ ଜବରଦସ୍ତ କେମେଷ୍ଟ୍ରି ଦେଖିବାକୁ ମିଳିବ ।
ଏହି ଗୀତଟିକୁ ଅମାଲ ମଲିକ କମ୍ପୋଜ କରିଛନ୍ତି ।
ଆସୀମ ଇନଷ୍ଟାଗ୍ରାମରେ ଟ୍ରାକର ପ୍ରଥମ ପୋଷ୍ଟର ସେୟାର କରିଛନ୍ତି । ପୋଷ୍ଟରରେ ଆସୀମ ପିଆନୋ ବଜାଉଥିବାବେଳେ ହିମାଂଶୀ ତାଙ୍କୁ ଦେଖୁଥିବାର ଦେଖିବାକୁ ମିଳିଛି ।
ଆସୀମ ଏହାର କ୍ୟାପସନ୍ ରେ ଲେଖିଛନ୍ତି, "ପ୍ୟାର କେ ସଙ୍ଗ ସବ କୁଛ..ୟା ଫିର କୁଛ ନେହିଁ । ଅଗଷ୍ଟ 10 ରେ 'ଦିଲ୍ କୋ ମେନେ ଦି କସମ୍' ମୁକ୍ତିଲାଭ କରୁଛି ।
ପ୍ରଶଂସକମାନେ ଏହି ଗୀତକୁ ନେଇ ଅତ୍ୟଧିକ ଉତ୍ସାହିତ ଅଛନ୍ତି ।
ଜଣେ ଉପଭୋକ୍ତା ଲେଖିଛନ୍ତି, ଏହାକୁ ଦେଖିବା ପାଇଁ ଆଉ ଅପେକ୍ଷା କରିପାରୁ ନାହିଁ ।
ଅନ୍ୟ ଜଣେ ଉପଭୋକ୍ତା ମନ୍ତବ୍ୟ ଦେଇଛନ୍ତି, ୱୋ, ଏହା ଚମତ୍କାର, କାରଣ ଏହାକୁ ଅରିଜିତ ସିଂ ଗାଇଛନ୍ତି ।
ଆସୀମ ଏବଂ ହିମାଂଶୀ ପୂର୍ବରୁ କଲା ସୋହନା ନେ" ଏବଂ "ଖେଆଲ ରଖା କର" ପରି ମ୍ୟୁଜିକ୍ ଭିଡିଓରେ ନଜର ଆସିଥିଲେ ।