ମୁମ୍ବାଇ: ବଲିଉଡ ଏବଂ ଟିଭି ଦୁନିଆରୁ ଗୋଟିଏ ପରେ ଗୋଟିଏ ବିବାହ ଖବର ସାମ୍ନାକୁ ଆସୁଛି। ନିକଟରେ ବଲିଉଡର ପ୍ରିୟ ଦମ୍ପତି କ୍ୟାଟ୍ରିନା କୈଫ ଏବଂ ଭିକି କୌଶଲ ରାଜସ୍ଥାନରେ ବିବାହ କରିଥିଲେ। ବର୍ତ୍ତମାନ ଫେମସ ଟିଭି ଅଭିନେତ୍ରୀ ଅଙ୍କିତା ଲୋଖଣ୍ଡେ ବିବାହ ବନ୍ଧନରେ ବାନ୍ଧି ହେବାକୁ ଯାଉଛନ୍ତି । ଆପଣଙ୍କୁ କହି ରଖୁଛୁ ଯେ, ଅଙ୍କିତା ତାଙ୍କ ଦୀର୍ଘ ସମୟର ପ୍ରେମିକ ଭିକି ଜୈନଙ୍କ ସହ ବିବାହ କରିବାକୁ ଯାଉଛନ୍ତି ।
ଏହାପୂର୍ବରୁ ଶନିବାର ଦିନ ଅଭିନେତ୍ରୀଙ୍କ ମେହେନ୍ଦୀ ସମାରୋହ(mehendi ceremony) ଅନୁଷ୍ଠିତ ହୋଇଥିଲା। ଯାହାର କିଛି ଫଟୋ ଏବେ ସୋସିଆଲ ମିଡିଆରେ ସେୟାର କରାଯାଉଛି । ସୋସିଆଲ ମିଡିଆରେ ସାମ୍ନାକୁ ଆସିଥିବା ଭିଡିଓରେ ଅଙ୍କିତା ମେହେନ୍ଦୀ ଲଗାଉଥିବା ଦେଖିବାକୁ ମିଳିଛି । ତେବେ ଅଙ୍କିତାଙ୍କୁ ବଲିଉଡର ପ୍ରସିଦ୍ଧ ମେହେନ୍ଦୀ ଆର୍ଟିଷ୍ଟ ଭିନା ନାଗାଡା ମେହେନ୍ଦୀ ଲଗାଉଥିବା ଦେଖିବାକୁ ମିଳିଛି । ଆପଣଙ୍କୁ କହି ରଖୁଛୁ ଯେ, ଭିନା କ୍ୟାଟ୍ରିନାଙ୍କର ମଧ୍ୟ ମେହେନ୍ଦି କରିଥିଲେ । ବର୍ତ୍ତମାନ ଅଙ୍କିତାଙ୍କ ପ୍ରଶଂସକମାନେ ଏହି ଭିଡିଓଗୁଡିକୁ ବେଶ ପସନ୍ଦ କରୁଛନ୍ତି ।